Gospel of John In Luhya

Gospel of John In Luhya

(Lulogooli)

1.Mu litanga ya li ho Inkuva, kandi inkuva ya li ho halala na Nyasaye, kandi Inkuva ya li

Nyasaye.

2.Wa zana ya li mu litanga halala na Nyasaye.

3.Vindu vyosi vya lombeka ku uyu; kandi bugira uyu si vya lombeka kali kilala ku vyosi

vya lombeka.

4. Muye Iya li liva mwoyo; na liva mwoyo lya li ubulavu bwavandu.

5. Ubulavu bu lava mu kisundi; na kisundi si kya gumira mba.

6.Mundu yadza wa tumwa kutwula ku Nyasaye, lieta lilye lyali Yohana.

7. Uyu yadza ku lilole kidza, a lolekidze ubulavu yibu, vosi vaduke kusuvira kigira niye.

8. Si ya li ubulavu ibwo, navutswa yadza a lolekidze ubulavu.

9.Bwa li ho ubulavu bweligali, bwingira mu lirova nib u ha avandu vosi ubulavu.

10. Ya li mu lirova, kandi lirova lya mu manya mba.

11. Yadza kuvyo vivye, navo aveve si va mu bugirira mba.

12. Navutswa vosi ava mu bugirira, ya va ha tsingulu kugwa avana va Nyasaye, va zana

ava suuvira lieta lilye:

13. Ava masahi gati tivula mba, kinga ubulaliri bwo mubiri kinga ubulaliri bwomundu,

na vutswa ubulaliri bwa Nyasaye.

14. Inkuva ya gwa mubiri, na a menya halala nekwinye(kandi kwinye kwa lola ubukumi

bwibwe, ubukumi bwowivulwa muderwa wa Dada), wizuye tsimbabasi nageligali.

15. Yohana a lolekidza kuye, na a gamba, na a vola, Uyu niye wa nda mu volera, Uyu

udzanga inyima wange u gwiye imbiri wange.

16. Nu ku bwizuli bwibwe kwinye kwosi ku nyonye, netsimbabasi ku tsimbabasi.

17. Kigira lilaga lya leterwa ku Musa; tsimbabasi nageligali ga leterwa ku Yesu Kristo.

18. Si ha li nomundu wa lola Nyasaye inyinga kali indala; Mwana wivulwa muderwa u

veye mu kiritu kya Dada, u mu vuuye.

19. Kandi yili ni lilolekidza lya Yohana, inyinga Avayuda va tuma avasalisi na Valevi va

twula Yerusalemi kumuteva, ive ni bwaha?

20. Naye yeyama, kandi si yambakhana; ni yeyama, inze si mbeye Kristo.

21. Ni va mu teva, niki kandi? Ive u veye Elija? Kandi ya vola, si mbeye iye mba. Ive

uveye muprofeti uyo? Kandi ya tivula, Auwa.

22. Kunangwa va mu volera, ive ni bwaha? Ku duke kwiranyira ava ku tuma, litivula.

Wevolera ndi?

23. Ya vola, inze nu mwoyo gwomundu u gamba mwigendanyama, Lungikidza inzira ya

Mwami, kuli Isaya muprofeti ya vola.

24. Yavo va tumwa va twula ku Vafarisayo.

25. Kandi va mu teva ni va mu volera, kigira ki ive u batidza, na ive nu u ta li Kristo,

kinga Elija, kinga muprofeti uyo?

26. Yohana ya va tulira na va a vola, Inze mbatidza mu madzi; hagati henyu mulala u

singiye, wa mu vula kumanya,

27. U londa inyima wange, w anta dukana kuboholola lukova lwekilatu kikye.

28. Vindu yivi vya kolwa mu Betani engereka ya Yordani, wa Yohana ya batidzira.

29. Mugamba ya lola Yesu yadza kuye, na a vola, henza Mwana weligondi wa Nyasaye,

u hila ubwoni bwavomkivala!

30. Uyu niyue wa nda mu volera, inyima wange Yadza mundu u gwiye imbiri wange:

kigira ya li imbiri wange.

31. Kandi inze si nda mu manya; navutswa a lolekane na Israeli, yiki ni kigira ndadza ni

mbatidza mu madzi.

32. Yohana ya lolekidza, na a vola, Ndoli Roho yika kuli likuulu li twula migulu; kandi

ya menya kuye.

33. Kandi si nda mu manya: navutswa uyu wa ntuma kubatidza mu madzi, ya mbolera,

Wa u li lola Roho yika na a menya kuye, uyu niye a batidza mu Roho Mutakatifu.

34. Na inze mmali kulola, kandi mmali kulolekidza a veye Mwana wa Nyasaye.

35. Mugamba kandi Yohana yasingira, na vaviri ku vegidzwi veve;

36 Na a henza Yesu lwa y agenda, na a vola henza mwana wa ligondi wa Nyasaye!

37. Na vegidwi vaviri va mu hulira na a vola, ni va londa Yesu.

38. Yesu ya girunkana, na a va volera mwenya ki? Ni va mu volera Rabi (litivula lyalyo

li veye kuvola, Mwegidzi), u menya hali ha?

39. Ya va volera, Hambi, mu la lola. Vadza ni va lola wa ya menya; ni va gona naye

lidiku yilyo: ni yenya kuduka isaa I kola likumi.

40. Andreya amwavo Simoni Petro, ya li mulala ku vaviri ava hulira Yohana, na a mu

londa.

41. Ya tanga kunyola amwavo wewe mwene, Simoni, na a mu volera, kunyoe Mesia

(Litivula li veye Kristo).

42. Ya mu hila ku Yesu, Yesu ya mu henza, na a vola, ive Simoni mwana wa Yohana: u

la gulikwa Kefa ( litivula li veye Ligina).

43. Mugamba yenya kutsia Galilaya, na a nyola Filipu: kandi Yesu ya mu volera, U

nonde.

44. Filipu ya li wa Betsaida, lidala lya Andreya na Petro.

45. Filipu ya nyola Natanileli, na a mu volera, ku nyoye uyu wa Musa wa ng’oda kuye

mulilaga kandi avaprofeti, Yesu wa Nazareti, mwana wa Yosefa.

46. Natanileli yam u volera, kindu kilahi kinyala kutwula ku Nazareti? Filipu ya mu

volera, hamba , u lole.

47. Yesu ya lola Natanileli yadza kuye, na a vola kuye, henza Muisraeli weligali, u ta li

nobugadi!

48. Natanieli yam u volera, u mmanyira haliki inze? Yesu ya tivula, na a muvolera, Filipu

na a kikiri kukulanga, lwa wa isi mwomusala gwamakuyu, nda ku lola.

49. Natanileli yam u tivulira, Rabi, ive niye Mwana wa Nyasaye; ive nu Mwami wa

Israeli.

50. Yesu ya tivula na a mu volera, Kigira nda ku volera, nda ku lola isi mwomusala

gwamakuyu, u suuvira? U la lola vindu vi vita yivi.

51. Kandi yam u volera, Ligali, ligali, mmu volera, Mu la lola ligulu ligulika, netsingelosi

va Nyasaye va nina ni vika ku Mwana wa Adamu.

1. Ku lidiku lya kola gakava kya li ho kiserero mu kana lya Galilaya; kandi mama wa

Yesu ya liho;

2. Kandi Yesu navegidzwi veve va langwa kutsia mu kiserero.

3. Lwa iwaini ya gehera, mama wa Yesu ya mu volera, si va veye newaini.

4. Na Yesu ya mu volera, ku veye naki inze nive, Mukali ive? Inyinga yange I kikiri

kuduka.

5. Mama wewe ya volera avatumekiri, aga a mu volera, mu kole.

6. Tsya li ho tsinhingu tsya magina tsitanu na indala, tsi vikwa kuli miima gyokwogidza

gya Vayuda, sendala tsi leng’ana netsisiongo tsiviri kinga tsivaka.

7. Yesu ya va volera, Mwizulitse amadzi mu tsinyingu. Ni vitsuliza du.

8. Na a va volera, kalunu mu dahe, mu hilire munene wekiserero. Ni va mu hilira.

9. Munene wekiserero lwa ya tsatsama amadzi ga koleywi iwaini, kandi si ya manya

wa I twuli (navutswa avatumeriki ava daha, va manya), munene wekiserero ya langa

woserereywi,

10. Na a mu volera, avandu vosi va tanga kuleta iwaini indahi; navutswa lwa va nweye

inyingi va leta indamano: na vutswa ive u tangi kuvisa iwaini indahi kuduka kalunu.

11. Litanga yili lyevilolekidzu vivye, Yesu ya kola mu Kana lya Galilaya, na a manya

ubukumi bwibwe; kandi avegidzwi veve va mu suuvira.

12. Inyima ya yaga ya sulunguta Kapernaume, mwene na mama wewe navamwayo

navegidzwi veve; ni va menya madiku gat a li manyingi.

13. Kandi lipasaka Lya Vayuda lya li himbi, Yesu yanegira na a tsia Yerusalemi.

14. Kandi ya nyola mu litempeli ava gula tsing’ombe namagondi namakuulu, nava

kirannya tsishilling vikaye.

15. Na a lomba kyokukuyira nemigoye minyerere, na a va kunga vosi mu litempeli,

amagondi netsing’ombe; na a salidza tsishilling tsya va kirannya na a kunaminya tsimeza

tsyavo;

16. Na a volera avagula makuulu, mu twulidze vindu yivu yimu; mu ta kola inyumba ya

Dada, inyumba yokugulana.

17. Navegidzwi veve vidzulitsa ga ng’odwa, lididikana lyenyumba yoyo li la ndia.

18. Kunangwa Avayuda va tivula ni va mu volera, u ku mannya kilolekidzu ki, kigira nu

u kola vindu yivi?

19. Yesu ya tivula na a va volera, Mwononnyi litempeli yili, na inze nda li singeridza ku

madiku gakava.

20. Kigira yaga Avayuda va vola, Litempeli yili lya li mu lyombakwa mihiga makumi

gane nemihiga gyitano na mulala, na ive u la li singeridza ku madiku gavaka?

21. Navutswa ya vola ku litempeli lyomubiri gwigwe.

22. Lwa ya simugukidzwa kutwula mu vakudzi, avegidzwi veve vidzulitsa ya vola yaga;

ni va suuvira amang’odwa nelikuva lya Yesu ya vola.

23. Lwa ya li mu Yerusalemi ku lipasaka, inyinga yelilia vanyingi va suuvira ku lieta

lilye, va lola vilolekidzu vya ya kola.

24. Navutswa Yesu mwene si ya va suuvira mba, kigira ya manya avandu vosi,

25 . Kandi si ya li neliyenya lyomundu a mu lolekidzire amakuva gomundu; kigira

mwene a manya aga veye mu mundu.

1. Ya li ho mundu ku Vafarisayo lieta lilye Nikodemo, munene wa Vayuda:

2. Ya tsia ku Yesu ubudiku na a mu volera, Rabi, ku manya ive u veye mwegidzi wa

twula ku Nyasaye; kigira si ha li nomundu u nyala kulola vilokidzu yivi vya u kolanga,

Nyasaye na a ta li halala naye.

3. Yesu ya tivula na a mu volera, Ligali, ligali, nku volera, Mundu na a tivula livulwa

lyomigulu, si anyala kulola ubwami bwa Nyasaye.

4. Nikodemo yam u teva, Mundu a nyala ndi kwivulwa na a veye mukulundu? A nyala

kwingira munda mwa mama wewe hali kaviri yivulwe kandi?

5. Yesu ya tivula Ligali, ligali, nku volera, mundu na a tivula livulwa lyamadzi nelya

Roho si a nyala kwingira mu bwami bwa Nyasaye.

6. Kyomubiri gwivula nu mubiri; kandi kya Roho yivula ni roho.

7. U ta genya nku voleye, Mu niga kwivulwa livulwa iyo migulu.

8. Imbuudza I huudza ha I yanzaga, na ive u hulira lihuma lyalo, navutswa si u manya wa

I twulanga, kinga wa I tsitsanga: ni ndiyo ku vandu vosi va Roho yivula.

9. Nikodemo ya tivula na a mu volera, vindu yivi vi nyala ndi kuva?

10. Yesu ya tivula na a mu volera, ive u veye mwegidzi wa Israeli, na vindu yivi si u

hulira mba?

11.Ligali, ligali nku volera ku vola ga ku manya, kandi ku lilolekidza lyetu si mu bugirira

mba.

12. Ni mmu volera vindu vyomu lirova na mwinye si mu vi suuvira mba, mu la suuvira

ndi ni mmuvolera vindu vyo migulu?

13. Kandi si ha li nomundu wa tsia migulu, navutswa uyu wika ku twula migulu, niye

mwana wa Adamu, a veye migulu.

14. Kandi kuli Musa ya ginga inzoka mwigendanyama, kandi Mwana wa Adamu a la

gingwa ndiyo;

15.Ku vandu vosi u mu suuvira a ta diva mba, a duke kuva nelivamwoyo lit a hera muye.

16. Nyasaye ya yanza avomkivala ndi, ya va ha Mwana wewe muderwa, ku vosi u mu

suuvira a ta diva mba, navutswa a ve nelivamwoyo lit a hera mba.

17. Kigira Nyasaye si ya tuma Mwana wewe kuudza mu kivala kukalagira avomkivala;

navutswa kuhonnya avomkivala.

18. U mu suuvira si a kalagirwa: u vula kumusuuvira u mali kukalagirwa, kigira a vula

kusuuvira lieta lya Mwana muderwa wa Nyasaye.

19. Kandi likalaga ni yili, ubulavu bwingiye mu kivala, na vandu va yanza kisundi kuvita

ubulavu; kigira miyinzi gyavo gyi veye midamano.

20. Kigira ku vosi u kola ubudamano a dunyira ubulavu, kandi si ya tsia ku bulavu, gase

miyinzi gyigye gyi la kyaywa.

21. Navutswa u kola ageligali a tsitsa ku bulavu, miyinzi gyigye gyi duke kuloleka gyi

koleywi ku Nyasaye.

22. Inyima ya vindu yivi Yesu yadza navegidzwi veve mu kivala kye Buyuda; ni yikala

ho halala navo na a batidza.

23. Kandi Yohana ya li na a batidza mu Ainon himbi salami, kigira ga li ho amadzi

manyingi: kandi vadza ni va batidzwa.

24. Kigira Yohana ya li na a kikiri kubofwa mu inyumba yavahambe.

25. Ni ga duka amahangali gavegidzwi va Yohana no Muyuda ku makuva gokweyogdza.

26. Ni va tsia ku Yohana, ni va mu volera, Rabi uyo wa li halala nive engereka ya

Yordani, uyo wa u lolekidzeye, henza, u batidzanga, navandu vosi va tsia kuye.

27. Yohana ya tivula na a vola, Mundu si a nyala kuvugula kindu na a ta hebwa ki twula

migulu.

28. Mwinye avene mu ndolekidzira, nda vola, inze si mbeye Kristo, navutswa, nda

tumwa imbiri wewe.

29. U veye nomukana mwiha niye woserereywi; navutswa mulina woserereywi u singira

na a hulira mwoyo gwowoserereywi, a yanza muno kigira mwoyo

1gwowoserereywi: kunangwa ubuyanzi yibwo bwa mbeye nabwo bu duki.

30. Ga mu dukira kuneneha, navutswa inze ga ndukira kugeha.

31. Uyu u twula migulu a veye igulu wa vosi: u twula mu kivala, uyu nu mundu we

kivala, kandi a vola agomu kivala: u twula migulu a veye igulu wa vosi.

32. Aga a loli nokuhulira, nigo aga a lolekidza; kandi si ha veye nomundu u bugirira

lilolekidza lilye.

33. Uyu u mali kubugirira lilolekidza lilye, u mali kukupa kyokukolera kyikye ku yaga ,

Nyasaye nu weligali.

34. Kigira uyo Nyasaye ya tuma a vola amakuva ga Nyasaye: kigira Nyasaye si a muha

Roho nekigero.

35. Dada a yanza mwana, kandi u mali kumuha vyosi mu makono gege.

36. U suuvira Mwana a veye nelivamwoyo lit a hera mba; navutswa uyu u tatia Mwana si

a li lola livamwoyo navutswa ubutima bwa Nyasaye bu menya kuye.

1. Mwami lwa ya manya Avafarisayo va mali kuhulira Yesu a kola avegidzwi na a va

batidza kuvita Yohana.

2.(Navutswa Yesu mwene si ya batidza navutswa avegidzwi veve),

3. Ya leka Buyuda na a tsia kandi Galilaya.

4. Gamu dukira kuvita hagati ha Samaria.

5. Kunangwa ya duka mu lidala lya Samaria lya langwa Sikaru, himbi mulimi gwa

Yakobo ya ha Yosefa mwana wewe:

6. Kidaho kya Yakobo kya li ho. Yesu ya li na a luhi ku lugendo lwilwe, yikala ku

kidaho. Inyinga yenya kuduha isaa I kola tsitanu na indala.

7. Mukali wa Samaria yadza kudaha madzi: Yesu ya mu volera, mpe kunwe.

8. Kigira avegidzwi veve va li ni va tsia mu lidala kugula vyokulia.

9. Kigira yaga mukali wa Samaria ya mu volera, Ga veye ndi ive muyuda u teva inze

amadzi, na inze mbe mukali wa Samaria? (Kigira Vayuda si va hambana na Vasamaria.)

10. Yesu ya tivula na a mu volera, ive nu u manya kihaanwa kya Nyasaye, kandi ni

bwaha u ku volera, mpe, kunwa; nkano wa ka mu teva, naye nkano ya ka ha amadzi

angelivamwoyo.

11. Mukali ya mu volera mwami, si u veye nekyokudahira, nekidaho ki veye hasi: u la

nyola ha li ha amadzi yaga gelivamwoyo?

12. Ive u veye munene kuvita dada wetu Yakobo, wa ku ha kidaho yiki, na a nwa mugye?

13. Yesu ya tivula na a mu volera, amadzi yaga, ku vosi u nwa ku a la lola ubuluhu kandi:

14 . Navutswa ku vosi u nwa ku madzi ga ndi mu ha si a li lola ubuluhu kandi; navutswa

amadzi ga ndi mu ha ga la va muye kaidaho kya madzi ga senuka livamwoyo lit a hera

mba.

15. Mukali yam u volera, Mwami, u mpe amadzi yaga mbule kulola ubuluhu kandi, kandi

mbule kuudza hano kudaha.

16. Yesu yam u volera, Tsia, u lange musatsa wowo, kandi udze hano.

17. Mukali yativula na a mu volera si mbeye nomusatsa. Yesu yam u volera, u voye

bulahi, Si mbeye nomusatsa:

18. Kigira wa li navasatsa vatanu; kandi wa u veye naye kalunu si a li musatsa wowo:

yaga u voye ageligali.

19. Mukali ya mu volera, Mwami Ndola u veye muprofeti.

20. Vaguga vetu va li ni va kola miluka mu kigulu yiki, na vutswa mwinye mu vola mu

Yerusalemi nu bulahi avandu va kole miluka.

21. Yesu yam u volera, u nsuuvire, Mukali, isaa yidza ya mu li vula kulola miluka ku

Dada mu kigulu yiki, kali mu Yerusalemi.

22. Mwinye mu kola miluka ku kya m uvula kumanya: kwinye ku kola miluka ku kya ku

manya; kigira ubuhonnyi bu twula ku Vayuda.

23. Na vutswa isaa Yidza, nayo I mali kuduka, ya va kola miluka ku Dada na Roho kandi

nageligali: kigira Dada yenya va zana va ve avakoli vemiluka gyigye.

24. Nyasaye ni Roho: navo va kola miluka gyigye, ga va dukira va kole miluka mu roho

nomu geli gali.

25. Mukali yam u volera, mmanya Mesia yadza (uyu a langwa Kristo): lwa a duka a la ku

volera vindu vyosi.

26. Yesu ya mu volera, Inze wa ku volerana nive, niye.

27. Hene yahoo avegidzwi veve vadza; ni va genya ya volerana nomukali;

navutswa Mundu si yam u teva, wenya ki ive? Kinga, Kigira ki u volerana naye?

28. Ku, mukali ya leka isiongo yeye, na a tsia mu lidala na a volera avandu,

29. Hambi mu lole mundu wa mbolera vindu vyosi vya nda kola; a ka veye Kristo naho?

30. Va twula mu lidala ni va tsia kuye.

31. Inyinga zana avegidzwi va mu gonya, ni va vola, Rabi, u lie.

32. Navutswa ya va volera, nevyokulia vya mu ta manya.

33. Kigira yaga avegdzwi va volerana, Mundu ya li kumuletera vyokulia naho?

34. Yesu ya va volera, Vyokulia vyange nokulola ubulaliri bwa uyu wa ntuma,

nokumaliridza miyinzi gyigye.

35. Mwinye si mu vola, Gyi tigaye imnyeli gyine, ma ligesa li duka? Henza, mmu volera,

mu ginge tsimoni tsyenyu, mu henze mu milimi gyi mali kulava gyi duke kugeswa.

36. Mugesi a vugula madanyi, na a vungidza makuyu gelivamwoyo li ta hera mba;

mumidzi nomugesi va duke kusangala halala.

37. Ku yaga livola yili li veye lyeligali, mulala a midza, na wundi a gesa.

38. Inze nda mu tuma kugesa lya mwa vula kuyinzira ku: avandi va yinzira ku, na

mwinye mwingiye mu yinzi gyavo.

39. Avasamaria vanyingi velidala yilyo va suuvira kuye kigira likuva lyomukali ya vola,

ya mbolera vindu vyosi vya nda kola.

40. Ku Avasamaria lwa va duka kuye, va mwenya a menye navo: kandi ya gona yo

madiku gaviri.

41. Kandi avandi vanyingi va suuvira kigira lilye.

42. Ni va volera mukali, kulunu si ku suuvira kigira livola lilyo: kigira kwinye avene ku

mali kuhulira, kandi ku manya ligali uyu a veye Muhonyi wavomkivala.

43. Inyima ya madiku gavir yago ya twula yeyo, na a tsia Galilaya.

44. Kigira Yesu mwene ya vola. Muprofeti si a veye nobwidzominywi mu kivala kikye.

45. Kunangwa lwa ya duka Galilaya, avagalilaya va mu bugirira no buyanzi, kigira va

lola vindu vyosi vya ya kola mu Yerusalemi inyinga yelilia: kigira yava kandi va tsia

yeyo mu lilia.

46. Ya duka kandi mu kana lidala lya Galilaya, ha ya kola amadzi gag we iwaini. Kandi

ya li ho munene mulala womwana muyai wewe ya li na a lwala mu Kapermaume.

47. Lwa ya hulira Yesu udzi Galilaya kutwula Buyuda, ya tsia kuye na a mwenya a

sulungute a tsie kuhonnya muyai wewe; kigira ya li ni yenya kukudza.

48. Yesu ya mu volera Mwinye ni mu ta lola vyokulolekidza nevyokugenya si mu li

suuvira mba.

49.Munene ya mu volera, mwami sulunuguta mwana wange na a kikiri kukudza.

50. Yesu yam u volera, u tsie, muyai wowo a veye mwoyo. Mundu uyo ya suuvira likuva

lya Yesu yam u volera, na a tsia.

51. Naye lwa ya li na a sulunguta, ya vugana navatugwa veve, ni va vola muyai wewe a

veye mwoyo.

52. Naye ya va teva inyinga ya va tanga kusosa. Ni va mu volera, mugolova inyinga

yesaa I kola tsitanu na tsiviri luhuudza lwa mu leka.

53. Ise ya manya niyo isaa ya Yesu yam u volera, Muyai wowo a veye mwoyo: kandi ya

suuvira navenyumba yeye vosi.

54. Kandi yiki ni kilolekidzu kya kaviri kya Yesu ya kola inyinga ya twula Buyuda

kuduka Galilaya.

Chapter 5

1. Inyima ya vindu yivi lya li ho lilia Lya Vayuda; kandi Yesu yanegira na tsia

Yerusalemi.

2. Mu Yerusalemi lidavalia li veye ho himbi nekiribwa kyamagondi, li langwa mu

Luhebrania, Bethseda, li veye netsisimbu tsitamu.

3. Va gona mutsyo kiduma kinene kyavalwaye, avaboku, avaleema, avafwogoya. Va

lindanga lidivula lya amadzi.

4. Kigira ku tsinyinga, ingelosi yika ku lidivalia ku duluva amadzi ,na uyu

wingira kutanga lwa amadzi ,ga duluvwa ,ya honakubulwaye bwosi bwa mu nyola.

5.Ya li ho mundu mulala wa limu budekeranu bwibwe mihiga amakumi gakava nemihiga

gyitanu negyikava.

6. Yesu lwa ya mu lola a gona na a manya ya li ndiyo madiku manyingi, yam u

volero,wenya u kolwe mulamu?

7.mulwaye yam u tivulira,mwami,si mbeye nomundu wokumbika mu lidavalia

inyingi ntsitsanga wundi yingira imbira wange.

8.Yesu ya mu volera uyu,singira,u vugule kitali kikyo ,u gende .

9.Kandi nonoho mundu ya kolwa mulamu ,na a vugula kitali na a gende.lindiku yilyo lya

li lisabato.

10.Kunangwa Avayunda va volera uyu wahonnywa ,li veye lisabato.si bu li bulahi ive u

ginge kitali kikyo.

11.Navutswa ya va tivulira ,wa li ku nkola mulamu niye u mboleye ,ginga kitali kikyo u

gende.

12.ni va mu teva,ni bwaha mundu u ku voleye ,ginga kitali,.u gende?

13. Navutswa uyu wa honnywa si ya manya ibwaha wa mu honnya; kigira Yesu ya twula

ho, kiduma kya li ho.

14. Inyima ya yaga Yesu ya mu nyola mu litempeli, na a mu volera Henza u koleywi

mulamu; u ta kola obwoni kandi gase kindu kidamano kuvita ki la gwira.

15. Mundu uyo ya tsia na a volera Vayuda ni Yesu wa mu honnya.

16. Kigira yaga vayuda va dambidza Yesu kigira ya kola vindu yivi ku libatso.

17. Navutswa Yesu ya va tivulira, dada wange kali kuduka kalunu a kola miyinzi, na inze

nkola miyinzi.

18. Kigira yaga Vayuda va kira kwenya kumwita, kigira si yononnya lisabato lyeng’ine

navutswa kandi langa Nyasaye Dada wewe, ni yekola mwene a lenga’ane na Nyasaye.

19. Kigira yaga Yesu ya tivula na a volera, ligali ligali mmu volera Mwana si a nyala

kukola kindu mwene, navutswa vya a lola Dada a kolanga; kigira ku vindu vyosi vya a

kola, yivi kandi mwana a kola ndiyo.

20. Kigira Dada a yanza mwana na a mannya vindu vyosi vya a kolanga mwene: kandi a

la mu mannya miyinzi gyi vita yigyi, mwinye mu duke kugenya.

21. Kigira kuli Dada a simugukidzanga avakudzi na a va ha liva mwoyo, kandi ndiyo

mwana a hedza vosi va a tovola, liva mwoyo.

22. Kigira Dada si a kalagira mundu, navutswa u mali kuha mwana likalaga lyosi;

23. Vosi va duke kukuminya Mwana kuli va kuminya Dada. Uyu a vula kukuminya

Mwana kandi si a kuminya Dada wa mtuma.

24. Ligali, ligali mmu volera, U hulira likuva lyange, na a suuvire wa ntuma, a veye

nelivamwoyo li ta hera mba kandi si a li nyala kwingira mu likalagirwa, navutswa u mali

kutwula mu likudza kuduka mu livamwoyo.

25. Ligali, ligali mmu volera, Isaa yidza nayo I mali kuduka yavakudzi va la hulira

mwoyo gwo Mwana wa Nyasaye; kandi ava hulira va la duka kuvaa mwoyo.

26. Kigira kuli Dada a veye neliva mwoyo muye mwene kandi ndiyo ya ha Mwana a ve

neliva Mwoyo muye mwene:

27 Kandi yamuha tsingulu kukola likalaga, kigira a veye Mwana wa Adamu.

28. Mutagenya ku yaga: kigira isaa yidza ya yavo vosi va veye mu vilindwa va la hulira

mwoyo gwigwe,

29. Ma va twule mu; yavo va kola bulahi vaduke ku lisimuguka lyelivamwoyo; navo ava

kola ubundamano va duke ku lisimuguka lyelikalagirwa.

30.Si nyala kukola kindu inze mwene: kuli mbuliranga nkalaga ndiyo: kandi likalaga

lyange li veye lilungi; kigira si nyenya ubulaliri bwange, na vutswa ubulaliri bwa uyu wa

ntuma.

31.Ni mba nzelolekidzira, lilolekidza lyange si li veye lyeligali.

32. Wundi a veyo u ndolekidzira kandi inze mmanya lilolekidza lilye lya a ndolekidzira

ni lyeligali.

33. Mwinye mwa tuma avatumwa ku Yohana, kandi ya lolekidza ageligali.

34. Navutswa lilolekidza lya mbugula si li veye lyomundu: navutswa mbola vindu yivi

mu duke kuhonnywa.

35. Uyo ya li itaya yokwaaduka nokung’ereng’ana; mwinye mwa yanza kusangala mu

bulavu bwibwe inyinga inkekeke.

36. Navutswa lilolekidza lya mbeye nalyo li vita lya Yohana; kigira miyinzi gya Dada

yam pa kumaliridza, miyinzi zana gya nkola, gyi ndolekidza,he, Dada ya ntuma.

37. Kandi niye Dada wa ntuma u mali kundolekidza. Mwinye mu kikiri kuhulira mwoyo

gwigwe kandi mu kikiri kulola ligondo lilye.

38. Kandi si mu veye nelikuva lilye li menya mu mwinye: kigira mwinye si mu suuvira

uyu wa ya tuma.

39. Mwinye mwenya mu mang’oda kigira mu vola mu la nyola mu, livamwoyo lit a hera

mba; kandi yaga nigo ga lolekidza ku inze;

40. Kandi mwinye si mu yanza kuudza ku inze mu nyole livamwoyo.

41. Si mbugula ubukumi ku vandu.

42.Navutswa mmanya mwinye si mu veye nobuyanzi bwa Nyasaye mu mwinye avene.

43. Inze ndadza ku lieta lya Dada wange, na mwinye si mu mbugirira mba: wundi na a

van a a li duka ku lieta lilye mwene, mu la mu bugirira.

44. Mu nyala ndi kusuuvira mwinye ava hereridzana ubukumi, m uvula kwenya ubukumi

bu twula wa Nyasaye u veye yeng’ine?

45. Mu ta vola, inze nda mu yala wa Dada: mulala a veyo u mu yala, kali Musa, wa mu

suuvira.

46. Kigira mwinye mu va mu suuvira Musa, nkano mu suuvira inze; kigira ya ng’oda ku

inze.

47. Navutswaa ni mba ni mu ta suuvira mang’oda gege mu la suuvira ndi amakuva

gange?

Chapter 6

1. Inyima ya vindu yivi Yesu ya twula na a tsia engereka wenyanza ya Galilaya, nayo I

veye inyanza ye Tiberia.

2. Kiduma kinene kya mu londa kigira va lola vilolekidzu vya ya kola kuvo avalwala.

3. Kandi Yesu yanegira mu kigulu, ni yikala mu halala navegdzwi veve.

4. Lipasaka. Lilia lya Vayuda, lya li himbi.

5. Maku, Yesu ya ginga tsimoni tsitsye, na a lola kiduma kinene kidza kuye, ya volera

Filipu, ku la gula haliki ubukima yava va duke kulagira?

6. Navutswa ya vola yaga kumugeridza; kigira mwene ya manya ga a li kola.

7. Filipu yam u tivulira, milango gye tsishilling tsimia tsiviri si bu duka sa mulala va

vugula bukekeke.

8. Mulala ku vegidzwi veve, Andreya, amwavo Simoni Petro ya mu volera,

9. A veye hano muyai a veye nemilango gyitanu gya shairi,netsisudzi tsiviri: navutswa

yivi ni vindu ki vi duka vanyingi yava?

10. Yesu ya vola, mu lombe avandu vikale. Ha li nobuyansi bunyingi ha zana. Maku,

vikala avandu avikula, livalidza lyavo lya duka tsielfu tsitanu.

11. Yesu ya vugula milango; kandi lwa yam ala kusantidza, ya gavulira ava li vikaye;

kandi tsisudzi ndiyo, kuduka kuli wa venya.

12. Kandi lwa viguta, ya volera avegidzwi veve, Mu vungidze madonye aga tigaye, kindu

kit a gota mba.

13. Ku, va vungidza ni vitsulitsa vihinda likumi na viviri, amadonye ga twula ku milango

gyitanu gya shairi, aga tigala ku va lagira.

14. Kigira yaga avandu lwa va lola kilolekidzu kya ya kola va vola, Ligali uyu niye

muprofeti zana udza mu lirova.

15. Yesu lwa ya manya venya kuudza kumugumira netsingulu va mu kole mwami, ya tsia

kandi mu kigulu mwene yeng’ine.

16. kandi lwa gwa duka mgolova avegidzwi veve viika ni va tsia ku luginga lwenyanza.

17 Ni va nina mu bwato ni vakumbuka inyanza kutsia Kapernaume. Inyinga zana kwa

gwa kisundi, kandi Yesu ya kikiri kuduka kuvo.

18. Kandi inyanza ya tanga kukola viguvuli kigira imbuudza inene ya huudza.

19. Kigira yaga lwa va mala kugenda tsimaili tsivaka kinga tsine va lola Yesu na a genda

ku inyanza, naye yali himbi nobwato: ni va tia.

20. Navutswa ya va volera, Ni inze; mu ta tia mba.

21. Kigira yaga va yanza kumuvugula kumuvika mu bwato: nonoho bwato bwa duka ku

kivala kya tsitsa yo.

22. Mugamba kiduma kinene kya singira hangereka henyanza,kya lola si ha veye

nobwato bundi,navutswa bulala, kandi Yesu si yingira navegidzwi mu bwato,na vutswa

avegidzwi veve va tsia veng’ine.

23. Na vutswa amato gandi ga twula Tiberia gadza himbi na ha va lagirira ubukima

inyima ya mwami ya santidza).

24. Ku, kiduma lwa kya lola Yesu si a veye ho, kandi avegidzwi veve vingira avene mu

mato, ni vadza Kapernaume, kwenya Yesu.

25. Lwa va mu nyola hangereka henyanza,va mu volera, Rabi, wadza inyinga ki hano?

26. Yesu ya va tivulira na a vola. Ligali, ligali mmu volera, si mu nyenyi kikira mwa lola

vilokekidzu, navutswa kigira mwa lagira milango, ni mwiguta.

27. Mu ta yinzira kuvugula vyokulia,navutswa mu yinzire kuvugula vyokulia vimenya

kuduka ku livamwoyo lit a hera mba,vyo mwana wa Adamu a la mu ha: kigira Dada,

Nyasaye, u mali kukupa kuye kyokulolera.

28. Kigira yaga va mu volera, ku la kola ndi, ku duke kukola miyinzi gya Nyasaye?

29. Yesu ya tivula na a va volera, Miyinzi gya Nyasaye ni yigyi,mwinye mu suuvire uyu

wa ya tuma.

30. Kigira yaga va mu volera u kola lilolekidza, ki ku lole kandi suuvire ive? Miyinzi ki

gya kola?

31. Vaguga vetu va lagira mana mwigendanyama; kuli ga ng’odwa, ya va ha ubukima

bwomwigulu kulagira.

32. Kigira yaga Yesu ya va volera, ligali ligali mmu volera, si ya li Musa wa mu ha

ubukima bwomwigulu; navutswa Dada wange a mu hedzanga ubukima bweligali

bwomwigulu.

33. Kigira obukima bwa Nyasaye ni yibwo bu twula migulu, kandi u hedzanga

avomkivala livamwoyo.

34. Kunangwa va mu volera, mwami madiku gosi u ku he ubukima yibu.

35. Yesu ya va volera inze nibwo ubukima bwelivamoyo: uyu udza ku inze si a la lola

izala mba, kandi u suuvira inze si a li lola ubuluhu mihinga nemihiga.

36. Navutswa nda mu volera, mu mali kundola na vutswa si mu suuvira.

37.Vyosi vya Dada a mbedza vi ladza ku inze; naye uda ku inze si nda mu kunga mba.

38. Kigira si nda twula migulu kukola ubulahiri bwange, navutswa ubulahiri bwa uyu wa

ntuma.

39. Yibwo nibwo ubulaliri bwa uyu wa ntuma, ku vyosi vya mpa kindu kali kilala kit a

gota, navutswa nda ki simugukidza ku lidiku lyekiheri.

40. Yibwo nibwo ubulaliri bwa Dada wange, ku vosi u lola Mwana kandi a mu suuvira, a

ve nelivamwoyo lit a hera; na inze nda mu simugukidza ku lidiku lyekiheri.

41. Ku avayuda va mu monya, kigira ya vola inze nibwo ubukima bwa twula migulu.

42. Kandi va vola, uyu si a li Yesu mwana wa Yosefa, wa ku manya dada wewe na mama

wewe? Kigira ki kalunu a vola ndula Ndula migulu?

43. Yesu ya tivula na a volera, Mwinye mu ta monya.

44. Si ha veye nomundu u nyala kuudza ku inze vutswa wa Dada wa ntuma a ta ng’usa:

kandi inze nda mu simugukidza ku lidiku lyekiheri.

45. Ga ng’odwa mu vitabu vya vaprofeti, Vosi va legidzwa na Nyasaye. Sa mulala u

hulira Dada wange, ni yega, yadza ku inze.

46. Si ha veye nomundu wa lola Dada, navutswa uyu wa twula wa Nyasaye, uyu niye wa

lola Dada.

47. Ligali ligali mmu volera, Uyu u suuvira a veye nelivamwoyo li ta hera mba.

48. Inze nibwo ubukima bwelivamwoyo.

49. Avaguga venyu va lagira mana mwigendanyama kandi va kudza.

50. Yibwo nibwo ubukima bu twula migulu, bwomundu a nyala kulagira ku a vule

kukudza.

51. Inze nibwo ubukima bwelivamoyo bwa twula migulu: mundu na a lagira ku bukima

yibu, a la va mwoyo mihiga nemihiga: yee kandi ubukima bwa ndi haanira livamwoyo

lyavomukivala ni nyama yomubiri gwange.

52. Kigira yaga Avayuda va hanga lidzana, ni va vola, Mundu uyu a nyala ndi kukuha

inyama yomubiri gwigwe ku lie?

53. Kigira yaga Yesu ya va volera, Ligali, ligali mmu volera he, Ni mu ta lia inyama

yomubiri ya mwana wa Adamu nokunwa masahi gege si mu veye nelivamwoyo mu

mwinye.

54. Uyu u lia inyama yomubiri gwange nokunwa masahi gange a veye nelivamwoyo lit a

hera mba; kandi inze nda mu simugukidza ku lidiku lyekiheri.

55. Kigira inyama yomubiri gwange nikyo kyokulia kyeligali namasahi gange nilyo linwa

lyaligali.

56. Uyu u lia inyama yomubiri gwange nokunwa masahi gange a menya mu inze, kandi

inze muye.

57. Kuli Dada welivamwoyo ya ntuma, na inze mbeye mwoyo kigira Dada; kandi ndiyo

uyu u ndia a la va mwoyo kigira inze.

58. Yibwo nibwo ubukima bwa twula migulu: sib u veye kuli vaguga va lagira, kandi va

kudza; u lagira ubukima yibu a la va mwoyo mihiga nemihiga.

59. Vindu yivi ya va volera mu lisomero lwa ya li ni yegidza avandu mu Kapernaume.

60. Kigira yaga vanyingi ku vegidzwi veve lwa va hulira, va vola Yili ni livola lidinyu;

ibwaha a nyala kulihulira?

61. Navutswa Yesu ya manya mwene, avegidzwi veve va monya ku livola yili, na a va

teva, yili li mwikigitalidza?

62 Ga li va ndi ni mu lola Mwana wa Adamu yanegira kutsia ha ya li lwambiri?

63. Ni roho gu haana livamwoyo; inyama yomubiri si I konya kindu; amakuva ga mmu

voleye ga veye Roho,kandi livamwoyo.

64. Navutswa ha veye navalala ku mwinye ava ta suuvira. Kigira Yesu ya manya

lwambiri nivaha ava ta suuvir, kandi ni bwaha u li mu zama.

65. Kandi ya vola, Kigira yaga nda mu volera, si ha veye nomundu u nyala kuudza ku

inze bugira Dada wange na a ta mu haani.

66. Ku yaga avanyingi ku vegidzwi veve virana inyima, si v agenda halala naye kandi.

67. Kigira yaga Yesu ya volera ava li likumi na vaviri, Nkani mwinye kandi mwenya

kutwula?

68. Simoni Petro yam u tivulira, Mwami ku tsia ku bwaha? Ive u veye namakuva

gelivamwoyo lit a hera mba.

69. Kandi kwinye ku suuviye, na ku manyi, ive u veye Mutakatifu wa Nyasaye.

70. Yesu ya va tivulira, si nda tovola mwinye likumi na vaviri, na mulala ku mwinye ni

setani?

71. Uyu wa ya tala ni Yuda wa Simoni Isakarioti, kigira uyu niye u li mu zama, naye

noku va li likumi na vaviri.

Chapter 7

1. Inyima yevindu yivi Yesu ya vaya mu Galilaya: kigira si yenya kuvaya Buyuda, Kigira

Avayuda venya kumwiita.

2. Lilia lya Vayuda lya li himbi, lilia lyavidioli.

3. Kigira yaga avamwavo veve va mu volera, Twula hano, u tsie Buyuda, avegidzwi vovo

va duke kulola miyinzi gyigyo gya u kolanga.

4. Kigira si ha veye nomundu u kola kindu makikiri na mwene yenya kumanyekana. Nu u

va nu u kola vindu yivi, wemannye ku avomkivala.

5. Kigira kali avamwavo veve si va mu suuvira mba.

6. Kigira yaga Yesu ya va volera, inyinga yange I kikiri kuduka; navutswa inyinga yenyu

madiku gosi I duka.

7. Avomkivala si va nyala kudunyira mwinye; navutswa inze, va ndunyira, kigira inze

ndolekidza miyinzi gyavo ni midamano

8. Mwinye mwanegire mu tsie mu lilia: inze sai nyanegira mu lilia yili; kigira inyinga

yange I kikiri kuduka.

9. Kandi lwa mala kuvavolera yaga, ya menva Galilaya.

10. Navutswa avamwavo veve lwa va mala kwanegira kutsia mu lilia, mwene kandi

yanegira, si a tsia habulavu navutswa kuli a tsia makiriri.

11. Kunangwa avayuda va mwenya mu lilia, ni va vola, a veye hali ha?

12. Kandi limonya linyingi lya duka mu viduma kuye. Avalala va vola, a veye Mundu

mulahi; avandi va lola auwa,navutswa a gada kiduma.

13. Navutswa si ha veye nomundu wa vola kuye habulavu kigira va tia Vayuda.

14. Navutswa lwe lilia lya duka hagati, Yesu yanegira mu litempeli ni yegidza.

15. Kigira yaga Avayuda vagenya, ni va vola, Mundu uyu a manya ndi mang’oda naye na

a kikiri kwega?

16. Kigira yaga Avayuda va genya, ni va vola, megidzo gange si ga veye gange, na

vutswa ga uyu wa ntuma.

17. Ku vosi u lalira kukola ubulaliri bwibwe, a la manya megidzo, ni ga va ni ga veye ga

Nyasaye, kinga inze mwene mbola.

18. Uyu wevolera yenya ubukumi bwibwe bwene: navutswa uyu wenya ubukumi bwa

uyu wa mu tuma, uyu a veye weligali, kandi si a veye na ga ta lungiki muye.

19. Si ya li Musa wa mu ha lilaga? Na vutswa si ha veye nomulala ku mwinye u kola

lilaga. Kigira ki mwinye mwenya kunziita?

20. Kiduma kya tivula, u veye nelidemone: ibwaha yenya kukwiita?

21. Yesu ya tivula na a va volera, nda kola muyinzi mulala, na mwinye mwosi mwa

genya.

22. Musa ya mu ha likebwa (navutswa si lya twula ku Musa, navutswa ku vaguga); na

mwinye ku lisabato, mu keva mundu.

23. Ni bu li bulahi mundu a kebwa ku lisabato, lilaga ya Musa I tononywa; kigira ki mwa

ndunyira lwa nda kola mundu mulamu ligali ku lisabato?

24. Mu ta kalaga vya mu lola, navutswa mu kalage likalaga lyobulungi.

25. Avalala ku vandu va Yerusalemi va vola, uyu si a li wa venya kwiita?

26. Kandi henza,u luviriye, navutswa si va mu volera kindu. Avanene vamanya ligali,

uyu ni Kristo?

27. Navutswa ku manya mundu uyu ha ta twula; navutswa Kristo lwa a lidza si a veye

nomundu a manya ha a twula.

28. Kigira yaga Yesu ya gamba ni yegidza mu litempeli, na a vola, inze mwinye mu

mmamya, kandi mu manya ha nda twula; kandi si ntsitsa inze mwene na vutswa uyu wa

ntuma noweligali, wa mu ta manya mwinye.

29. Inze mmu manya; kigira nda twula kuye, kandi ya ntuma.

30. Kigira yaga venya kumugumira: navutswa si ha veye nomundu wa hila kuye mukono,

kigira isaa yeye ya li I kikiri kuduka.

31. Navutswa vanyingi ku kiduma va mu suuvira; ni va vola, Kristo lwa a lidza, a la kola

vilolekidzu kuvita vyomundu uyu a kola naho?

32. Avafarisayo va hulira kiduma ki monya kuye amakuva yaga; ma vasalisi vanene na

Vafarisayo va tuma avasikari kutsia kumugumira.

33. Kigira yaga Yesu ya vola, ha tigaye hakekeke ni mbeye na mwinye, kandi nda tsia ku

uyu wa ntuma.

34. Mu la nyenya, kandi si mu li nyola: kandi ha inze mbeye, si mu nyala kuduka ho.

35. Kigira yaga Avayuda va volerana avene, mundu uyu a li tsia ha li ha, ha kwinye ku li

vula kumunyola? A la tsia ku avelyavukana lya vagreki, ni yegidza avagreki?

36. Ni likuva ki lya ya vola, mu la nyenya, si mu li nyola; kandi ha inze mbeye, si

munyala kuduka ho?

37. Ku lidiku lyekiheri,lidiku linene lyelilia, Yesu ya singira na a gamba na a vola,

mundu na a va na a veye nobuluhu, yadze ku inze a nwe.

38. Uyu u suuvira inze, kuli mang’oda ga vola, Gyi la twula mmwoyo gwigwe imigera

gyamadzi gyelivamwoyo.

39. Navutswa yaga ya vola ku Roho, wav a li nyola, yava ava suuvira kuye: kigira Roho

ya li na kikiri kuhaanwa; kigira Yesu ya li na a kikiri kuhebwa ubukumi.

40.Kigira yaga avalala ku kiduma lwa vahulira amakuva yaga, va vola, Uyu ligali a veye

muprofeti zana.

41. Avandi va vola, uyu ni Kristo. Navutswa avandi va vola, Kristo a twula Galilaya

nkani?

42. Mu ma ng’oda si ga vola, Kristo a livulwa wa Daudi, kandi wa Bethlehemu, kadala

ka Daudi ya li mu?

43. Ku lihangalidzana lya duka mu kiduma kuye.

44. Avalala venya kumugumira; navutswa si ha veye nomundu wa hila kuye makono.

45. Kunangwa avasikari vadza ku vasalisi vanene na Vafarisayo; ni va teva, Kigira ki si

mum u leti?

46. Avasikari va tivula, Mundu ku vosi a kikiri kuvola kuli uyu.

47. Avafarisayo va va tivulira, kandi mwinye mu goteywi?

48. Ku vanene, ibwaha u suuvira kuye, naho ku vafarisayo ibwaha?

49. Navutswa kiduma yiki ki ta manya lilaga, ki laameywi.

50. Nikodemu ya va volera, (uyo wa tsia kuye lwambiri, naye nu mulala kuvo),

51. Ku lilaga lyetu, ku kalagira mundu, ni ku kikiri kumuhulira, nokumanya aga a kola?

52. Va tivula ni va mu volera, ive kandi si u li wa Galilaya? Wenye u lole, si a veye

nomuprofeti u twula Galialaya.

53. Kandi va tsia sa mulala mu inyumba yeye:

Chapter 8.

1. Navutswa Yesu ya tsia mu kigulu kya Mizeituni.

2. Ya kivira mugamba na a tsia mu litempeli, kandi avandu va tsia kuye vosi; naye yikala

na a vegidza.

3. Kandi avang’odi na Vafarisayo va leta mukali wa va nyola na a heya; kandi lwa va mu

vika hagati.

4. Va mu volera, mwegidzi, mukali uyu u nyoleywi na a heyanga.

5. Musa, mu lilaga yak u laga kwiita ku uyu ndi namagina: ive u vola ndi kuye?

6. Yaga va vola kumugeridza, va duke kumuyala. Navutswa Yesu yinama hasi, na a

ng’oda mu marova nekidete kikye.

7. Navutswa lwa va kira kumuteva, ya diguluka, na a va volera, u ta kola ubwoni ku

mwinye, a tange kumulasa ligina.

8. Kandi yinama hasi na a ng’oda mu marova nekidete kikye.

9. Kandi yavo lwa va ga hulira, va tsia sa mulala sa mulala, va tanga avakulundu, kuduka

ku vahereridzi: na Yesu ya tigala yeng’ine nomukali ha ya li hagati.

10. Kandi Yesu ya diguluka na a mu volera, mukali, va veye ha li ha? Si ha veye

nomundu u ku kalagiye?

11. Kandi ya vola, mwami si ha li nomundu. Kandi Yesu ya vola inze kandi si nku

kalagira mba; u tsie kutwula kalunu u ta kola bwoni kandi.)

12. Kunangwa Yesu ya va volera kandi, na a vola, inze nibwo ubulavu bwavomkivala: u

nodanga si a li genda mu kisundi, navutswa a la va nobulavu bweliva mwoyo.

13. Kigira yaga Vafarisayo va mu volera ive welolekidza; lilolekidza lilyo si li veye

lyaligali.

14. Yesu ya tivula na a volera, kali ni mba ni ndolekidzaa, lilolekidza lyange li veye

lyeligali; kigira nzemanya wa nda twula, nowa ntsitsa; navutswa mwinye si mu manya ha

ntula, na ha ntsitsanga.

15. Mwinye mu kalaga kuli inyama yomubiri; inze si nkalagira mundu kali mulala.

16. Kandi inze kali ni mba ni nkalaga, likalaga lyange li veye lyeligali; kigira inze si

mbeye tsyeng’ine, na vutswa inze na wa Dada wa ntuma.

17. Kandi ga ng’odwa mu lilaga yenyu, lilolekidza lyavandu vaviri li veye lyeligali.

18. Inze niye welolekidza, kandi Dada wa ntuma a ndolekidza.

19. Kigira yaga va mu volera, Dada wowo a veye ha li ha? Yesu ya tivula, si mu manya

inze, kali Dada wange: ni mba mu manya inze, nkano mu manya Dada wange.

20. Amakuva yaga ya volera hetsishilling tsi vikangwa, lwa yegidza mu litempeli; kandi

si ha li nomundu wa mu gumira, kigira isaa yeye ya li ni I kikiri kuduka.

21. Ku, ya va volera kandi, inze ntitsa, na mwinye mu la nyenya, kandi mu la kudreza mu

bwoni bwenyu: wa ntsia, mwinye si mu nyala kuduka.

22. Kigira yaga Avayuda va vola, A liita mwene, kigira a vola wa ntsia mwinye si mu

nyala kuduka.?

23.Kandi ya va volera, mwinye mu veye avahasi; inze mbeye wigulu: mwinye mu veye

avomkivala yiki; inze si mbeye womkivala yiki.

24. Yiki ni kigira nda mu volera, mu la kudreza mu bwoni bwenyu: ni I va m uvula

kusuuvira inze niye, mu la kudzera mu bwoni bwenyu.

25.Kunangwa va mu teva, ive u veye ibwaha? Yesu ya va volera, mbeye ligali kuli nda

mu volera kutwula mu litanga.

26. Mbeye nevindu vinyingi vyokuvola ku mwinye nokukalaga ku mwinye; na vutswa

wa ntuma a veye weligali: na inze aga nda hulira kuye, nigo aga mbolera avomkivala.

27. Si va manya a va volera ku Dada.

28. Kigira yaga Yesu ya va volera, lwa mu li ginga Mwana wa Adamu, nilwo lwa mu li

manya inze niye, kandi sin kola kindu mwene, navutswa mbola vindu yivi kuli wa Dada

ya nzegidza.

29. Kandi wa ntuma a veye halala ninze; si ya ndeka tyeng’ine; kigira inze kazozo

nkolanga vindu vya a yanza.

30. Lwa ya vola yaga vanyingi va mu suuvira.

31. Maku, Yesu ya volera Avayuda ava mu suuvira, Mwinye ni mu menya mu likuva

lyange, ligali mu veye avegidzwi vange;

32. Kandi mu la manya ageligali, nago ageligali ga la mu boholola.

33. Va mu tivulira, ku veye avana va Abrahamu, kandi ku kikiri kuva avatugwa vomundu

kali mulala; ive u vola ndi, mu la bohololwa?

34. Yesu ya va tivulira, ligali ligali, mmu volera ku vosi u kola ubwoni a veye mutungwa

wobwoni.

35. Mutungwa si a menya mu inyumba madiku gosi: mwana niye u menya madiku gosi.

36. Kigira yiki mwana na a van a a mu boholola mu la va avabohololwi veligali.

37. Mmanya mwiye mu veye avana va Abrahamu,navutswa mwenya kunziita, kigira

likuva lyange si li veye nobwiyangu mu mwinye.

38. Mbolanga aga nda lola ku Dada wange: na mwinye kandi mu kola ga mwa hulira ku

dada wenyu.

39. Va tivula ni va mu volera, Dada wetu ni Abrahamu. Yesu ya va volera, Ni mu ve

avana va Abrahamu, nkano mu kolanga miyinzi gya Abrahamu.

40. Navutswa mwinye mwenya kuziita, mundu wa mu volera ageligali aga nda hulira ku

Nyasaye: yaga Abrahamu si ya kola.

41. Mwinye mu kola miyinzi gya dada wenyu. Va mu volera kwinye si kwivulwa

indasimba; ku veye dada mulala yeng’ine, ni Nyasaye.

42. Yesu ya va volera, Nyasaye na a ve Dada wenyu,nkano mu yanza inze; kigira inze

nda twula ku Nyasaye kuduka hano kandi si nzidzi mwene, navutswa ya ntuma.

43. Kigira ki si mu manya livola iyange.kigira ki si mu nyala kuhulira likuva lyange.

44. mwinye mu veye wa dada wenyu setani. Kandi likayirwa iya dada wenyu nilyo iya

mu lalira kukola. A veye mulumundi kutulwa mu litanga, si a singira mu geligali, kigira

si a veye behi, a vola ku vya a veye navyo:kigira a veye mubehi, kandi ise buheni.

45. Navutswa kigira mbola ageligali si mu nsuuvira.

46. Ibwaha ku mwinye a ndolekidza mbeye nobwoni? Ni mbola ageligali kigira si mu

nsuuvira?

47. U veye ku Nyasaye a hulira amakuva ga Nyasaye: mwinye si mu hulira kigira si mu

veye ku Nyasaye.

48. Avayuda va tivula ni va mu volera, si ku vola bulahi, ive nu musamaria, kandi u veye

nelidemone?

49. Yesu ya tivula, inze si mbeye nelidemone; navutswa inze nzidzominya Dada wange

na mwinye mu nyaga.

50.Navutswa inze si nyenya ubukumi bwange; ha veye no mulala wenya kandi a kalaga.

51. Ligali, ligali mmu volera, mundu na a gumira likuva lyange, si a li lola likudza

mihiga nemihiga.

52. Avayuda va mu volera, kalunu ku manya u veye nelidemone. Abrahamu ya kudza,

kandi avaprofeti nive u vola, Mundu na a gumira likuva lyange si a li tsatsama likudza

mihiga nemihiga.

53. Ive u veye munene kuvita guga wetu Abrahamu wa kudza? Kandi avaprofeti va

kudza: wekola u veye ibwaha?

54. Yesu ya tivula, inze ni mba ni nziyidzominya, ubukumi bwange si bu veye kindu: ni

Dada wange u nzidzomiyanga, wa mu vola, ni Nyasaye wenyu;

55. Na mwinye si mwa mu manya: navutswa inze mmanyi, na inze ni mba ni mbola, si

mu manya nda mbehi kuli mwinye navutswa inze mmanya kandi ngumira likuva lilye.

56. Guga wenu Abrahamu ya sangala kulola lidiku lyange, ya li lola na a yanza.

57. Kunangwa Avayuda va mu volera ive u kikiri kuduka imihiga amakumi gatanu,ive

wa lola Abrahamu?

58. Yesu ya va volera, Ligali ligali mmu volera Abrahamu na a tivulwa, inze mbeye.

59. Kigira yaga va dola magina vi venya kumulasa: navutswa Yesu yivisa na a twula mu

litempeli.

Chapter 9.

1.Lwa yali na a vita ya lola mundu ni ya vakula kutwula livulwa lilye.

2. Kandi avegidzwi veve va mu teva ni va vola, Rabi, wa kola ubwoni nibwaha, mundu

uyu naho avivuli veve yivulwe mboku?

3. Yesu ya tivula, uyu si ya kola ubwoni, kali avivuli veve: navutswa kigira gyi duke

kukolwa habulavu miyinzi gya Nyasaye kuye.

4. Ga ku dukira kukola miyinzi gya uyu ntuma, gu kiri mbasu: ubudiku buudza, inyinga

yomundu a ta nyala kulola miyinzi.

5. Lwa mbeye mu kivala, mbeye ubulavu bwavomkivala.

6. Lwa yam ala kuvola ndiyo, ya tudza amate mu marova, na a lomba ubudohi namate, na

a mu vaka mu tsimoni tsitsiye nobudohi,

7. Kandi yam u volera, Tsia, wisaave mu lidavalia lya Siloam (litivula li veye kuvola Wa

tumwa).

8. Kunangwa avatende veve navo ava mu lola lwambiri na a veye mudaka musaavi, va

vola, uyu si a li wikala na a saava?

9. Avalala va vola, Niye: navandi va vola, Auwa, navutswa a fwanana naye. Mwene wa

vola, ni inze.

10. Kunangwa va mu teva,u nyoye ndi kukunulwa tsimoni tsitsiyo.

11. Ya tivula, mundu uyu u langwa Yesu ya lomba ubudohi ni ya mbaka mu tsimoni

tsyange, na a mbolera, tsia Siloam wisave: ku,nda tsia ni nzisava, maku nda nyola lilola.

12. Kandi va mu volera, a veye ha li ha uyu? Va vola, si mmanya ha a veye.

13. Va hila ku Vafarisayo uyu wa li mboku lwambiri.

14.Nalyo lya li lisabato lidiku lya lombera ku ubudohi na a mukunula tsimoni tsitsye.

15. Kunangwa kandi Avafarisayo va mu teva, u nyoye ndi kulola. Naye ya va volera, ya

li ku mbaka ubudohi mu tsimoni tsyange kandi ni nzisava, ni nyola lilola.

16. Kunangwa avalala ku Vafarisayo va vola, Mundu uyu si a veye wa twula ku Nyasaye,

kigira si a gumira lisabato. Navutswa avandi va vola mundu mwoni anyala ndi kulola

vilolekidzu kuli yivi? Ku, lya li lyavukana kuvo.

17. Kunangwa va volera mboku kandi, U vola ndi kuye, kigira u ku kunuye tsimoni

tsitsyo? Naye ya vola, uyu nu muprofeti.

18. Kunangwa Vayuda va vula kusuuvira kuye hene ya li mboku, ma a duki kulola, va

luha va langa avivuli va uyu wa nyola lilola,

19. Kandi va va teva, ni va vola Hene uyu nu mwana wenyu,wa mu vola yivulwa mboku?

Kalunu a nyoye ndi kulola?

20. Avivuli veve va tivula ni va vola, Uyu ku mu manya a veye mwana wetu, kandi

yivulwa mboku:

21. Navutswa kuli wa a lola ndi kalunu si ku manya: kinga wa mu kunula tsimoni tsitsye,

kwinye si ku manya: mu teve mwene; a veye mundu u duki: a la vola mwene.

22. Vindu yivi avivuli veve va vola kigira va tia Avayuda: kigira Avayuda va li ni va mali

kulagana, mundu ni yeyama uyu ni Kristo, a kungwe mu livugana.

23. Yiki ni kigira avivuli veve va vola, Nu mundu u duki: mum u teve.

24. Kunangwa va langa hali kaviri mundu wa li mboku, ni va mu volera, U he Nyasaye

ubukumi: kwinye ku manya mundu uyu a veye mwoni.

25. Ku, ya tivula, kali na a veye mwoni, si mmanya: kindu kilala mmanya, nda li mboku,

kalunu ndolanga.

26. Kunagwa va mu teva, A ku koleye ndi? A kunuye ndi tsimoni tsitsiyo?

27 Ya va tivulira, mmali kumuvolera kalunu kandi mwinye si mwa hulira; kigira ki

mwenya kuhulira kandi? Mwinye kandi mwenya kugwa avegidzwi veve?

28. Kandi va mu nyega, ni va vola Ive nu mwegidzwi wewe: navutswa kwinye ku veye

avegidzwi va Musa.

29. Ku manya Nyasaye ya volera Musa amakuva: navutswa mundu uyu si ku manya wa a

twula.

30. Mundu ya tivula na a volera, Nkani yili niliyo ligenya! Mwinye si mu manya wa a

twula, navutswa u kunuye tsimoni tsyange.

31. Ku manya Nyasaye si ya hulira avoni: navutswa mundu na a van a a veye u sigamira

Nyasaye na a kola ubulaliri bwibwe, a mu hulira.

32. Kutwula inyinga lirova lya lombwa si ga hulirwa mundu wa kunula tsimoni

tsiyomundu wivulwa mboku.

33. Uyu na a ta li mundu wa twula ku Nyasaye si ya nyala kukola kindu.

34. Va tivula ni va mu volera, ive wivulwa mu bwoni ligali, kandi ive wegidza kwinye?

Ni va mu kunga.

35. Yesu ya hulira va mu kungi; na a mu nyola na a vola, Ive u suuvira Mwana wa

Nyasaye?

36. Ya tivula na a vola, Naye nibwaha, Mwami, nduke kumusuuvira?

37. Yesu yam u volera, ive u mu loli, kandi niye wa mbolerana naye.

38. Kandi ya vola, Mwami, nsuuviye. Na a mu sigamira.

39. Kandi Yesu ya vola inze nzidzi mu kivala yiki ku likalaga, ava ta lola va duke kulola;

navo ava lola va vakule.

40. Avalala ku Vafarisayo ava li halala naye va hulira amakuva yaga,ni va mu volera,

kwinye kandi ku veye avaboku?

41. Yesu ya va volera, mwinye ni mu ve avaboku, nkano si mu veye nobwoni: navutswa

kalunu mu vola, ku lola: ubwoni bwenyu bu menya.

Chapter 10

1. Ligali, ligali mmu volera, u vula kwingira mu kiliango kyekego kyamagondi

navutswa a tsia kuhudula ha luvega, uyu mu mwivi kandi mu mwiguliri.

2. Navutswa wingira mu kiliango nu mwayi wamngondi.

3. Mulindi a mwigulira kiliango; kandi magondi ga hulira mwoyo gwigwe: kandi a langa

amgondi gege sa lilala lieta lyalyo, na a gimita kutsia kyova.

4. Lwa a mala kugahila agege gosi kyova, a gimirira imbiri wago,nago amagondi ga mu

londa: kigira ga manya mwoyo gwigwe.

5.Kandi si ga nyala kulonda mundu mgeni, navutswa ga la mwiruka: kigira si ga manya

mwoyo gwavageni.

6. Lugano yilu Yesu ya kupa: navutswa si va manya ni makuva ki ga ya va volera.

7. Kunangwa Yesu ya va volera kandi, ligali,ligai inze mbeye kiliango kyamagondi.

8. Vosi avadza imbiri wange va li avivi kandi aviguliri: navutswa amgondi si ga va

hulira..

9. Inze ni kiliango; mundu ni yingira ku inze, a la honnywa naye a lingira mugati kandi a

twula kyova, kandi a la lola kyayo.

10. Mwivi si yadza bugira kwiva, nokwiita,nokwononnya: inze ndadza va nyola

livamwoyo, kandi va li nyole linyingi.

11. Inze mbeye mwayi mulahi: mwayi mulahi a haana livamwoyo lilye kigira magondi.

12. U tungangwa, na a ta veye mwayi, wa magondi gat a va agege, a lola kisalang’ongo

ni kidza, ma a leka magondi, yiruke kandi kisalang’ongo ki ga gamula, kandi ki ga

salannya:

13. yiruka kigira a veye mutungwi kandi si a nyala kuganagan magonndi.

14. Inze mbeye mwayi mulahi; kandi nga manya aga veye agange, kandi agange ga

mmanya,

15. Kuli Dada a manya inze, na inze mmanya Dada; kandi mbaana livamwoyo lyange

kigira magondi.

16. Kandi mbeye namgondi agandi, gata veye gomu kego yiki: nago kandi ga ndukira

ndete, kandi yaga ga la hulira mwoyo gwange; ga la gwa kyayo kilala nomwayi mulala.

17. Yiki ni kigira Dada a nyanza, kigira inze mbaana livamwoyo lyange nduke

kuligumira kandi.

18. Si ha veye nomundu u nyanga liva mwoyo,navutswa ndi haana inze mwene. Mbeye

netsingulu kulihaana, kandi mbeye netsingulu kuligumira kandi. Lilago yili nda nyola ku

Dada wange.

19.Lya duka kandi lyavukana ku Vayuda kigira amakuva yaga.

20. Kandi avanyingi kuvo va vola, Aveye nelidemone, kandi a laluka; kigira ki mwinye

mu mu hulira?

21. Avandi va vola, amakuva yaga si ga li amakuva ga mundu a veye nelidemone.

Lidemone li nyala kukunula tsimoni tsyavaboku.

22. Lilia lyokugima litempeli lya li mu Yerusalemi:

23. Ga li madiku gobukindu; kandi Yesu ya va mu litempeli mu lusimbu lwa Solomoni.

24. Kunangwa Avayuda va mu kumbiridza, ni va mu volera, u la kuhayayidza kuduka

inyinga ki? Nu u van u veye Kristo u ku volere habulavu.

25. Yesu ya va tivulira, nda mu volera, si mu suuvira: miyinzi gya nkolanga ku lieta lya

Dada wange, yigyo gyi ndolekidzanga.

26. Navutswa mwinye si mu suuvira, kigira si mu veye mu magondi gange.

27. Magondi gange ga hulira mwoyo gwange , kandi inze ga manya, kandi ga nonda:

28. Inze nga hedzanga livamwoyo lit a hera mba; ga va vula kudiva imihiga nemihiga,

kandi va veye nomundu u li ga nyaga mu mkono gwange.

29. Dada wange wa mpa, a veye munene kuvita vosi: kandi si ha veye nomundu u nyala

kuganyaga mu mkono gwa Dada.

30 Inze na Dada ku veye kindu kilala.

31. Avayuda va dola magina kandi kumulasa.

32. Yesu ya va tivulira, Miyinzi milahi minyingi mmu mannya gyi twulanga ku Dada; ku

miyinzi yigyo nig u li ha gwa mu ndasira magina?

33. Avayuda va mu tivulira, si ku ku lasa kigira muyinzi mulahi, navutswa kigira

ubunyegi; kandi kigira ive, mundu, mwene wekola Nyasaye.

34. Yesu ya va tivulira, si ga ng’ondwa mu lilaga lyenyu, inze nda vola , mwinye mu

veye avanyasaye?

35. Na a van a a va langa vanyasaye,yavo avelikuva lya Nyasaye lidza kuvo (kandi

Amang’oda si ga nyala kugota),

36. Wa Dada ya tovola na a mu tuma kuudza mu kivala, mwinye mu vola kuye, u nyega;

kigira nda vola inze mbeye Mwana wa Nyasaye?

37. Ni mba ni nta kola miyinzi gya Dada wange,mu ta nsuuvira.

38. Navutswa ni mba ni nkola, kali mu vula kunsuuvira, mu suuvire miyinzi; mu duke

kuhulira nokumnya, Dada a veye mu inze, na inze mu Dada.

39. Kunangwa venya kandi kumugumira; navutswa ya twula mu makono gavo.

40. Ya tsia kandi hangereka ha Yordani ha Yohana ya batidzira inyinga yokutanga, na a

menya yo.

41. Kandi avandu vanyingi va tsia kuye, ni va vola, Ligali Yohana si ya kola kilolekidzu,

navutswa vindu vyosi vya Yohana ya vola ku mundu uyu vya li vyeligali.

42. Kandi vanyingi va mu suuvira yaho.

Chapter 11.

1. Mundu mulala, Lazaro wa Betani, womu lidala lya Maria namwavo wewe Marita,ya

lwala.

2. Kandi ya li Maria zana wa vaka Mwami maguta, ni yeya virenge vivye nelisu

lilye,mbotso wewe Lazaro ya lwala.

3. Kunangwa avabotso veve va tuma mutumwa ni va vola mwami, uyu wa u yanza a

lwala.

4. Navutswa Yesu lwa ya hulira ya vola, ubulwaye yibu sib u veye bwokuduka likudza

navutswa bu veye bwokuduka likudza, nabutswa bu veye kigira ubukumu bwa Nyasaye,

mwana wa Nyasaye a duke kukuminywa.

5. Yesu ya yanza Marita namwavo wewe na Lazaro.

6.Kunangwa lwa ya hulira a lwala, ya menya madiku gaviri ha ya li na a veye.

7. Inyima ya yaga ya volera avegidzwi veve, kutsie kandi Buyuda.

8. Avegidzwi veve va mu volera, Rabi kalunu ndi Vayuda venya kukulasa na magina; ive

u tsie kandi?

9. Yesu ya tivula, Tsisaa tsyombasu si tsi veye likumi na tsiviri? Mundu na a genda mu

mbasu si yikigitala, kigira a lola ubulavu bwekivala yiki.

10. Navutswa na a genda ubudiku a likigitala, kigira ubulavu si bu veye muye.

11. Ya vola vindu yivi: nenyima ya yivi ya va volera, Lazaro mulina wetu a gonanga

tsindolo; navutswa inze ntsita kumuvukidza.

12. Kunangwa avegidzwi va mu volera, Mwami na a va na a gonanga a la hona.

13. Navutswa Yesu ya vola ku likudza lilye, navutswa yavo va ganagana a volanga ku

lisosa mu ligona tsindolo.

14. Hene yaho Yesu ya va volera habulavu, lazaro u kudzi.

15. Kandi inze kigira mwinye, yanzi kigira nda vula kuva yo, mwinye mu duke

kusuuvira; navutswa gendi ku tsie kuye.

16. Ma Tomasi wa langwa malongo, ya volera avegidzwi avkye, kwinye ku tsie naye, ku

kudze halala naye.

17. Kunangwa Yesu lwa ya duka ya mu nyola na a goni madiku gane mu kilindwa.

18 Betani lya li himbi ne Yerusalemi, mbula tsimaili tsiviri;

19. Kandi vanyingi ku vayuda vadza ku marita na Maria va va leminye mwoyo kigira

mbotso wavo.

20. Kunangwa Marita lwa ya hulira Yesu yadzanga ya tsia kumwaganira: navutswa

Maria ya li ni yikaye mu inyumba.

21. Maku Marita ya volera Yesu, Mwami u va li hano, mbotso wange nkano si ya kudza

mba.

22. Liva kalunu mmanya ku vyosi kya u saala Nyasaye. Nyasaye a la ku ha.

23. Yesu ya mu volera, Mbotso wowo a la simuguka.

24. Marita ya mu volera, mmanya a la simuguka mu lisimuguka ku lidiku lyekiheri.

25. Yesu ya mu volera, inze mbeye lisimuguka kandi mbeye livamwoyo: u suuvira inze,

kaliva na a kudza, a la va mwoyo;

26. Ku vosi u veye mwoyo na a suuvira inze si a li kudza mihiga nemihiga u suuviye

yaga?

27. Ya mu volera Yee, mwami: inze nsuuviranga ive u veye Kristo, Mwana wa Nyasaye

uudza mu lirova.

28. Kandi lwa yam ala kuvola yaga, yatsia na a langa Maria amwavo wewe galaha, na a

vola Mwegidzi a veye hano a ku langa.

29. Naye lwa ya hulira ya singira bwangu na a tsia kuye.

30.(Yesu ya li na a kikiri kwingira mu kadala, navutswa ya li na a veye ha Marita ya

mwaganira.)

31. Kunangwa Avayuda va li halala naye mu inyumba, ava mu leminya mu mwoyo lwa

va lola Maria na a singira na a twula bwangu, va mu londa, va vola a tsitsa kulirira ha

kilindwa.

32. Kunangwa Maria, lwa ya duka ha Yesu ya li na a mu lola, ya gwa ha virenge vivye,

na a mu volera, Mwami, u va wa li hano, mbotso wange nkano si ya kudza mba.

33. Yesu lwa ya mu lola na a lira, na Vayuda ava mu londa va lira, ya Kenya, na a henda

mwoyo,

34. Na a vola, mwa mu vika haliha? Va mu volera, Mwami hamba u lole.

35. Yesu ya twula maliga.

36. Kigira yiki Avayuda va vola, Henza kuli a mu yanza!

37. Navutswa avalala kuvo va vola, uyu wa kunula tsimoni tsyomboku, si a nyala kulola

mundu uyu kandi u ta kudzi?

38. Ma Yesu ya Kenya hali kaviri, ya duka ha kilindwa. Nakyo kya li mu luhangaywa,

kandi ligina lya vikwa ku.

39. Yesu ya vola, Mu twulidze ligina. Marita mbotso wa uyu wa kudza, yam u volera,

Mwami kalunu a funya; kigira lero a veye mukudzu madiku gane.

40. Yesu ya mu volera, si nda ku volera, nu u suuvira u la lola ubukumi bwa Nyasaye?

41. Kunangwa va twulidza ligina. Na Yesu ya henza migulu na a vola Dada, nku santidza

kigira wa mbulira.

42. Kandi nda manya u mbulira madiku gosi: navutswa kigira kiduma ki singira ku

inyasi,nda ga vola, va duke kusuuvira nkani nive wa ntuma.

43. Kandi lwa ya mala kuvola ndi, ya langa nomwoyo munene, Lazaro u twule.

44. Naye wa li na a kudzi ya twula, na a boheywi amakono nevirenge netsingubo

tsiyekilindwa: kandi mu moni mwimwe na a boheywi nengubo. Yesu ya va volera, Mu

mu boholole, a tsie.

45. Kunagwa avanyingi ku Vayuda avadza halala na Maria ni va lola kya ya kola va mu

suuvira.

46. Navutswa avalala kuvo va tsia ku Vafarisayo ni va va volera vindu vya Yesu ya kola.

47. Avasalilsi vanene na Vafarisayo va vugannya kyina, ni va vola, ku kola ndi? Kigira

mundu uyu a kolanga vilolekidzu.

48. Ni ku mu leka ndiyo, avandu vosi va la mu suuvira: kandi Avaromi va ladza va hile

kivala kyetu nehiri yetu.

49. Navutswa mulala kuvo wa langwa Kaiafa, ya li na a veye musalisi munene muhiga

yigwo ya va volera mwinye si mu manya kindu kali kilala.

50. Kandi si mu ganagana nu bulahi ku mwinye mundu mulala a kudzere avandu, ihiri

yosi I vule kukudza.

51. Navutswa yaga si ya vola mwene: navutswa kigira ya li na a veye musalisi munene

muhiga yigwo ya profeta Yesu a la kudreza ihiri;

52. Kandi si ya kudreza ihiri yeng’ine navutswa a duke kusannya halala avana va

Nyasaye vosi ava salana.

53. Kunangwa kutula ku lidiku yilyo va lomba kyina va duke kumwiita.

54. Kigira yiki Yesu si ya vaya kandi habulavu mu Vayuda, navutswa ya tsia mu kivala

ahimbi neligendanyama, mu lidala lya langwa Efiraim; ya menya yo halala navegdzwi

veve.

55. Lipasaka lya Vayuda lya li himbi: navandu vanyingi vanegira Yerusalemi imbiri

welipasaka,va twula mu kivala,ni va tsia kwetakasa.

56. Kunangwa venya Yesu, ni va volerana lwa va singira mu litempeli, mu lole ndi? Si a

lidza mu lilia?

57. Avasalisi vanene na Vafarisayo va li ni va laga, mundu na a manya ha a veye a vuule,

va duke kumugumira.

Chapter 12

1. Kunangwa Yesu,madiku gatanu na lilala imbiri welipasaka ya tsia Betani, wa Lazaro

ya li, uyu wa Yesu ya simugukidza kutwula mu vakudzi.

2. Ni va mwihula yo vyokulia vyomgolova: Marita ya va megera; navutswa Lazaro ya li

mulala kuvo avikala ku vyokulia naye.

3. Ma Maria ya vugula maguta genardi yere, ga funya mwayu, ageratili indala, aga gulwa

vindu vinyingi,na a vaka Yesu virenge, ni yeya virenge vivye nelisu lilye: inyumba

yekolera mwayu, .

4.Navutswa Yuda Iskarioti, mulala ku vegidzwi veve naye niye u li mu zama,ya vola,

5. Kigira ki maguta yaga si ga gulwa tsishilling tsimia tsivaka, tsi hebwe avadaka?

6. Si ya vola yaga kigira a verere avadaka navutswa kigira ya li mwivi, kandi kigira ya

ginga kilinga na a hila vya vikwa mu.

7. Kigira yiki Yesu ya va volera mum u leke a ga vikire lidiku lyelitebwa lyange.

8. Kigira avadaka mu veye navo halala madiku gosi; navutswa si mu veye ninze halala

madiku gosi.

9. Kunangwa kiduma kya Vayuda va duka kumanya a veyo: ni vadza navutswa si vadza

kigira Yesu yeng’ine, navutswa kandi vaduke kulola Lazaro wa ya simukukidza kutwula

mu vakudzi.

10. Navutswa avasalisi avanene va lomba kyina va duke kwiita Lazaro kandi;

11. Kigira vanyingi ku Vayuda va twula ni va suuvira Yesu kigira uyu.

12. Mugamba kiduma kinene kya li ni kidza mu lilia, lwa va hulira Yesu yadza

Yerusalemi,

13. Va leta amatu gamakindu ni va twula ni va tsia kumwaganira ni va kupa isango,

Hozana: u gasidzeywi uyu udzanga mu lieta lyo mwami,naye niye Mwami wa Israeli.

14. Kandi Yesu ya nyola kimoli kyuesukiri na a nina ku; kuli wag a ng’ondwa,

15. U ta tia, mkana wa Zioni: henza, Mwami wowo udzanga, wikaye ku kimoli kyesukiri.

16. Vindu yivi avegidzwi veve si va hulira lwambiri: navutswa Yesu lwa ya mala

kukuminywa, kunangwa vidzulitsa yaga ga ng’odwa kuye kale, kandi va mu kolera vindu

yivi.

17. Kigira yaga kiduma kya mu londa lwa ya langa Lazaro mu kilindwa na a mu

simugukidza kutwula mu vakudzi, kya lolekidza.

18. Kandi kigira yiki kiduma kya mwaganira, kigira va hulira ya kola kilolekidzu yiki.

19. Kunangwa Avafarisayo va volerana avene, mu lole si mu nyala kukola kindu, henza

avomkivala va mu londa.

20. Kandi va li ho Avagreki valal kuvo ava li ni vanegira kukola miluka mu lilia.

21. Kunangwa yava va tsia ku Filipu, mundu wa Betsaida, lidala lye Galilaya, ni va mu

teva, ni va vola, Mwami kwenya kulola Yesu.

22. Filipu ya tsia na a volera Andreya: Andreya yadza na Filipu ni va volera Yesu.

23. Yesu ya va tivulira, na a vola Isaa I duki Mwana wa Adamu a kuminywe.

24. Ligali, ligali mmu volera inzoli yengano ni I vula kugwa mu marova ni I kudza I ta

tigala yeng’ine; navutswa ni I kudza I lama lyama linyingi.

25. Uyu a yanza livamwoyo lilye a li gotidza; kandi u dunyira liva mwoyo li ta hera mba.

26. Mundu ni ya ntumekira a nonde; inze ha mbeye, kandi mutumekiri wange a la va ho

mindu ni ya ntumekira, Dada wange a la mu ha ubukumi.

27. Kalunu mwoyo gwange gu henda; nda vola ndi? Dada u mbonnye ku isa yiyi?

Navutswa kigira yiki ndadza ku isaa yiyi

28. Dada kuminya lieta lilyo. Kunangwa mwoyo gwa twula migulu,gu vola, Nda mala

kulikuminya, na nda li kuminya kandi.

29. Kunangwa kiduma kya li ni ki singiye, ni ki gu hulira, va vola, Li ligita: avaandi va

volaa, Ingelosi u volerana naye.

30. Yesu ya tivula, na a vola mwoyo yigu si guudzi kigira inze navutswa kigira mwinye.

31. Kalunu ni likaalaga lyavomkivala yiki: kalunu munene wekivala yiki a la tebwa.

32. Kandi inze, ni ngingwa igulu welirova,nda ng’usa avandu vosi vadze ku inze.

33. Navutswa ya vola yaga kuvuula ni likudza ki lya a li kudza.

34. Kigira yaga kiduma kya mu tivulira, Kwa hulira mu lilaga, Kristo a hindira mihiga

nemihiga: na ive u vola ndi, Ga dukira mwana wa Adamu uyu?

35. Kunangwa Yesu ya va volera, Ha tigaye hakekek ubulavu bu veye ku mwinye. Gendi

lwa mu veye nobulavu, kisundi ki ta mu nyola: kandi uyu u genda mu kisundi si a manya

wa a tsitsa.

36. Lwa mu kikiri nobulavu, mu suuvire ubulavu, mu duke kuva avana vobulavu.

Vindu yivi Yesu ya vola, kandi ya tsia ni yivisa.

37. Navutswa kali ya va kolera vilolekidzu vinyingi imbiri wavo, si va mu suuvira:

38. Li duke likuva lya Isaya muprofeti ya vola,

Mwami, ibwaha u suuvira livola lyetu?

Kandi ibwaha wa vuulirwa mukono gwo mwami?

39. Yiki ni kigira si va nyala ku suuvira, kigira Isaya ya vola kandi,

40. Ya va fuma tsimoni tsyavo kandi ya dinnya mwoyo gwavo;

Gase va la lola netsimoni tsyavo ni va manya nomwoyo gwavo,

Ni veganira,

Na inze mba honnye.

41. Vindu yivi Isaya ya vola kigira ya lola ubukumi bwibwe; kandi ya vola kuye.

42. Halala na yaga, kali ku vanene vanyingi va mu suuvira; navutswa si va mwiyamira

mba kigira Vafarisayo,gase va la kungwa mu livugana.

43. Kigira va yanza ubukumi bu twula ku vandu kuvita ubukumi butwula ku Nyasaye.

44. Yesu ya gamba na a vola, Uyu u suuvira inze, navutswa uyu wa ntuma.

45. U lola inze, a lola uyu wa ntuma.

46. Inze ntsitsi kuva ubulavu bwavomkivala. Ku vosi u suuvira inze a ta menya mu

kisundi.

47. Kandi mundu u hulira amakuva gange, na a ta gumira inze si mmu kalagira mba:

kigira si ndadza kukalagira avomkivala, navutswa kuhonnya avomkivala.

48. Mundu u nyambakana, na a ta bugirira amakuva gange, a veye nomulala u mu

kalagira: livola lya nda vola, li la mu kalagira ku lidiku lyekiheri.

49. Kigira inze si nda vola aga twula ku inze mwene; navutswa Dada wa ntuma ya mpa

lilaga, lya mbola nelya nzilwadza.

50. Inze mmanya lilaga lilye li veye livamwoyo lit a hera mba: kunangwa aga mbolanga

kuli Dada ya mbolera, mbola ndiyo.

Chapter 13

1. Imbiri welilia lyelipasaka, Yesu ya li na a manya inyinga yeye I duki yokwutula mu

kivala yiki nokutsia ku Dada, ya mala kuyanza aveve ava li mu kivala, ya yanza kuduka

ku kiheri.

2. Kandi inyinga yelilia, setani na a mali kuvika mu mwoyo gwa Yzuda Iskarioti wa

Simoni kumuzama,

3. Yesu ya li na a manya Dada wew u mali kumuha vindu vyosi mu makono gege kandi

ya twula ku Nyasaye kandi a tsia ku Nyasaye,

4. Ya singira ha vyokulia na a vika ha luvega makoti; kandi ya vugula kitambaya ni

yeboha mu kikenge.

5. Maku ya tsuka amadzi ku isahani na a tanga kusavidza virenge vya

vegidzwi,nokuvyeya ne kitambaya kya ya li yebohi.

6. Ma ya duka ku Simoni Petro. Petro ya mu volera Mwami, ive u savidza virenge

vyange?

7. Yesu ya tivula na a mu volera, kya nkolanga ive si u manya kalunu; navutswa u la

manya lwenyima.

8. Petro ya mu volera. Si u li savidza virenge vyange mihiga nemihiga Yesu ya mu

tivulira, Ni nta ku savidza si u veye nelisanga ninze.

9. Simoni Petro yam u volera, Mwami u ta savidza virenge vyange vyeng’ine navutswa

kandi amakono gange nomutwi gwange.

10. Yesu ya mu volera, u mali kusingwa yenya vutswa yisave virenge vivye a veye

munifu wosi: kandi mwinye mu veye avaminifu, navutswa si mu veye avaminifu vosi.

11. Kigira ya manya u li mu zama; yikyo ni kigira ya vola si mu veye avaminifu vosi.

12. Kunangwa lwa yam ala kusavidza virenge vyavo, nokuvugula makoti gege,

nokwikala kandi, ya va volera, Mmu manya kya mmu kolera?

13. Mwinye mu nanga Mwegidzi, na Mwami: mu vola bulahi; kigira mbeye ndiyo.

14. Inze Mwami no mwegidzi, inze ni mba ni nsavidza virenge vyenu, ga mu dukira

mwesavidzane virenge vyenyu.

15. Kikira mmali kumugerera, mwinye mu kole kuli inze mmu koleye.

16. Ligali ligali mmu volera, mutugwa si a veye munene kuvita wa mutuga; kandi

mutumwa si a veye munene kuvita wa mu tuma.

17. Mwinye ni mu manya vindu yivi, mu veye nobugasu ni mu vi kola.

18. Si ntali mwinye mwosi: inze mmanya ava nda tovola; navutswa ga duke kukolwa

mang’oda, uyu wa lagira ubukima bwanmge u gingi liki ku inze.

19. Kutwula kalunu inze mmu volera, ga kikiri kuduka,lwa ga mala kuduka mu duke

kusuuvira inze niye.

20. Ligali,ligali mmu volera, U bugirira wa inze ntuma a bugirira inze; naye u bugurira

inze a bugurira wa ntuma.

21. Lwa Yesu yam ala kuvola yaga ya henda mwoyo,na a lolekidza na a vola, ligali, ligali

mmu volera mulala ku mwinye a la nzama.

22. Avegidzwi va henzana ni va hayahayidza, wa ya li kutala ibwaha.

23. Mulala ku vegidzwi veve, wa Yesu ya yanza, ya li ni yesedema ku kiritu kya Yesu.

24. Simoni Petro ya mu sima, na a mu volera, u ku volere ni bwaha wa ya li kutala.

25. Naye ha yesedema ndi ha luvega ha Yesu, yam u volera, Mwami, ni bwaha?

26. Maku Yesu ya tivula, Naye uyu wa ndi dongeridza lidonye lyobukima nokumuha.

Lwa ya mala kudongeridza lidonye lyobukima ya li vugula na a ha Yuda mwana wa

Simoni Iskarioti.

27. Kandi inyima lwa ya vugula lidonye, hene yahoo setani ya mwingira. Kigira yiki

Yesu ya mu volera, Kya u kola, kola bwangu.

28. Si ha li nomundu kali mulala ku va li ni vikaye ku meza ya manya kigira ki a mu

volera ndiyo.

29. Kigira avalala va ganagana, kigira Yuda ya ginga kilinga kyetsishilling, Yesu yam u

volera, Gula vindu vya ku daka vyelilia; kinga a he avadaka kindu.

30 Naye lwa yam ala kuvugula lidonye ya twula nohoho: na bwa li ubudiku.

31. Lwa yam ala kutsia kyova, Yesu ya vola, kalunu, Mwana wa Adamu u kuminyeywi,

kandi Nyasaye u kuminyweyi muye.

32. Nyasaye na a van a a kuminywe muye, kandi Nyasaye a la mu kuminya muye

mwene, kandi a la mu kuminya bwangu ndi.

33. Mwinye avana ha tigaye hakekeke ni mbeye halala na mwinye. Mu la nyenya: kandi

kuli aga nda volera Avayuda, Wa ntsia inze, mwinye si mu nyala kuduka; inze kalunu

mmu volera kuli ndiyo.

34. Lilaga lihya mmu laga nayo ni yili, Mu yanzane; kuli na inze mmu yanza, kandi

mwinye mu yanzane ndiyo.

35. Ku yaga avandu vosi va la mu manya mwinye mu veye avegidzwi vange, ni mba ni

mu yanzana.

36. Simoni Petro ya mu teva, Mwami u tsia ha li ha? Yesu ya tivula, wa ntsitsa ive si u

nyala kunonda kalunu; navutswa u la nonda lwanyima.

37. Petro ya mu volera, mwami kigira ki si nyala kukulonda kalunu? Nda haana

livamwoyo lyange kigira ive.

38. Yesu ya tivula, hene u la haana liva mwoyo lilyo kigira inze? Ligali, ligali, nku

volera, idaywa ni I ta lagula, ive u la nyambakana hali kavaka.

Chapter 14.

1. Mu ta henda myoyo gyenyu: suuviri Nyasaye, mu suuvire inze kandi.

2. Mu inyumba ya Dada wange I veye nobumenyi bunyingi; ni I ta veye ndiyo, nkano nda

mu volera; kigira ntsitsa kumulombera ubugono.

3. Kandi ni mba ni ntsia kumulombera ubugono,nzidza kandi, kandi nda mwingiridza

inze mwene; ha mbeye inze, mwinye kandi mu ve ho.

4. Na ha ntsia mu manya; na mu manya inzira.

5. Tomasi ya mu volera, Mwami, ha u tsia si ku manya; ku manya ndi inzira?

6. Yesu ya mu volera, inze niyo inzira, nageligali, nelivamwoyo; si ha veye nomundu u

duka ku Dada, na a leki inze.

7. Ni mba mwa manya inze, nkano mwa manya Dada wange kandi: kutwula kalunu mu

mu manya, kandi mu mu loli.

8. Filipu ya mu volera, mwami u ku mannye Dada, ma ga ku duke.

9. Yesu ya mu volera, Tsinyinga yitsi tsyosi mbeye halala ne mwinye , ni ve u ta manya

inze, Filipu? U lola inze u loli Dada; kigira ki u vola, U ku mannye Dada?

10. Si u suuvira inze mbeye mu Dada, na Dada a veye mu inze? Amakuva ga mmu volera

si nga vola inze mwene: navutswa Dada a veye mu inze a kolanga miyinzi gyigye.

11. Mu suuvire inze mbeye mu Dada, na Dada a veye mu inze: kinga mu suuvire inze

kigira miyinzi gyeng’ine.

12. Ligali, ligali mmu volera, Uyu u suuvira inze miyinzi gya nkolanga naye kandi a la

gyi kola; kandi a la kola minene ku vita yigyi; kigira inze ntsitsa wa Dada.

13. Ku vyosi kya mu li saala ku lieta lyange, yiki nda kola, Dada a duke kukuminyirwa

ku Mwana.

14. Ni mba ni mu saala kindu lieta lyange, yiki nda kola.

15. Ni mba ni mu yanza inze, mu la gumira malago gange.

16. Kandi inze nda saava Dada, naye a la mu ha mukonyi wundi, a ve na mwinye halala

mihiga nemihiga.

17. Naye ni Roho wa geligali, wavomkivala, va ta nyala kumuvugula; kigira si va mu

lola, kandi si va mu manya: mwinye mu mu manya; kigira a menya na a mwinye, naye a

la va mu mwinye.

18. Si ndi mu leka avabisandu: ndadza ku mwinye.

19. I tigaye inyinga inkekeke, avomkivala si va li ndola kandi; navutswa mwinye mu

ndolanga: kigira inze mbeye mwoyo kandi mwinye mu la va mwoyo.

20. Ku lidiku yilyo mu la manya inze mbeye mu Dada wange, na mwinye mu veye mu

inze, na inze mbeye mu mwinye.

21. Uyu u veye namalago gange, na a ga gumira uyu niye u nyanza: naye u nyanza, Dada

wange a la mu yanza na inze nda mu yanza kandi inze nda mu vuulikira.

22. Yuda (u ta li Iskarioti) ya mu volera, Mwami, ga la vandi ive u la vuulikira kwinye,

navutswa u ta vuulikira avomkivala?

23. Yesu ya tivula, na a mu volera, Mundu na a nyanza, a la gumira likuva lyange: na

Dada wange a la mu yanza, kwinye ku ladza kuye, na ku la menya naye.

24. U ta nyanza si a gumira amakuva gange: kandi likuva lya mu huliranga si li veye

lyange, navutswa ni lya Dada wa ntuma.

25. Amakuva yaga mmu volera, lwa nkikiri nemwinye.

26. Navutswa uyu Mukonyi, Roho Mtakatifu wa Dada a la tuma ku lieta lyange, a la

mwegidza amakuva gosi, naye a la mwidzulitsa gosi ga nda mu volera.

27. Mirembe mmu lekera; mirembe gyange mmu hedza: si mmu ha kuli avomkivala va

haana. Mu ta henda myoyo gyenyu, kandi gyi ta va nobutii.

28 Mwinye mwa hulira kuli nda mu volera, Ntsitsa, kandi ndadza ku mwinye. Mu va

mwa nyanza nkano mwa sangala, kigira ntsitsa wa Dada: kigira Dada a veye munene

kuvita inze.

29. Kandi inze mmu volera kalunu, li kikiri kuduka, lwa li mala kuduka, mu nyale

kusuuvira.

30 Si nda mu volera manyingi kandi kigira munene wavomkivala yadza: kandi si a veye

nekindu mu inze;

31. Navutswa kuli wa Dada ya ndaga, inze nkolanga ndiyo, avomkivala va duke kumanya

nyanza Dada. Singiri, ku gende.

Chapter 15.

1.Inze mbeye muzabibu gweligali, musimiki ni Dada wange.

2.Ku tsisya tsyosi tsi veye ku inze ulu tama, a la lu twulidza, nalwo lwamanga, a la lu

halulira, lu dase kwama.

3.Mwinye kutwula kalunu mu veye avaminifu kigira likuva lya nda mu volera.

4.Mu menye mu inze na inze mmenye mu mwinye. Kuli lusya lwene si u nyala

kwama ni lu ta menya ku muzabibu; kandi mwinye si mu nyala kwama, ni mu ta

menya mu inze.

5. Inze mbeye muzabibu, na mwinye mu veye tsisya. Uyu u menya mu inze, na inze

muye, yamanga amakuyu manyingi: kigira bugira inze si mu nyala kukola kindu kali

hakuzu.

6. Mundu na a ta menya mu inze, a la tebwa kuli lusya lu tebwa na a lumwa; natsyo

va vungidza halala na va tsi tam u muliru, tsyaaka.

7 Ni mu menya mu inze, namakuva gange ni ga menya mu mwinye, mu sale vya

menya, mu la kolerwa.

8. Ku yivyo Dada wange a kuminyangwa mwame makuyu manyingi; na mwinye mu

la va avegidzwi vange.

9. Kuli Dada ya nyanza, inze kandi mmu yanza ndiyo: mu menye mu buyanzi

bwange.

10. Ni mu va ni mu gumira malago gange, mu la menya mu buyanzi bwange; kuli

inze ngumira malago ga Dada wange kandi menya mu buyanzi bwibwe.

11. Yaga mmali kumuvolera, ubuyanzi bwange bu duke ku mwinye, kandi ubuyanzi

bwenyu bu duke kuduka.

12. Yili ni lilaga lyange, mu yanzane, kuli wa inze mmali kumuyanza.

13. Mundu si a veye nobuyanzi bunene kuvita yibu, mundu a haane livamwoyo lilye

kigira avalina vene.

14. Mwinye mu veye avalina vange, ni mu kola vindu vya mmu laga.

15. Kutwula kalunu si nyala kumulanga avatugwa; kigira mutugwa si a manya vyo

mutuga a kolanga: navutswa mmu langi avalina; kigira vyosi vya nda hulira ku Dada

wange, mmali kumuvolera.

16 Si mwa tovola inze, navutswa inze nda tovola mwinye, ni mmu vika mu tsie kwama

makuyu, kandi makuyu genyu ga duke kumenya; kandi vyosi vya mu saala Dada kulieta

lyange a mu he.

17. Yivi mmulaga, mu duke kuyanzana.

18. Avomkivala ni va mu dunyira, mu manya va tanga kudunyira lwambiri.

19. Ni mu va ku avomkivala va yanza avavo: navutswa kigira si mu veye ku avomkivala,

navutswa inze nda mu tovola ku vomkivala, yiki ni kigira avomkivala va mu dunyira.

20 Mwidzulitse likuva lya nda mu volera, Mutungwa si a veye munene kuvita wa

mutuga. Ni va dambidza inze, va la dambidza mwinye; ni va gumira likuva lyange, va la

gumira lyenyu.

21. Navutswa yaga gosi va la mu kolera kigira lieta lyange, kigira si va manya wa ntuma.

22. Inze mi mbula kuudza kuvavolera, nkano si va veye nobwoni: navutswa kalunu si va

veye ne kivuni ku bwoni bwavo.

23 Uyu u dunyira inze a dunyira kandi Dada wange.

24. Mbula kukola kuvo miyinzi gyomundu wundi a ta kola, nkano si a veye nobwoni:

navutswa va mali kulola nokudunyira inze na kandi Dada wange.

25. Navutswa yaga ga kolwa li duke kudukidzwa likuva lya ng’odwa mu lilaga lyavo, va

ndunyira bugira kivune.

26. Navutswa lwa a li duka Mukonyi, wa ndi tuma kutwula ku Dada, naye niye Roho wa

geligali u twula ku Dada, a li ndolekidza:

27. Kandi mwinye mu la lolekidza, kigira mwinye mwa li halala ninze kutwula mu

litanga.

Chapter 16.

1.Yaga mmboleye, mu tikigitalidzwa.

2.Va la mu kunga mu mavugana: kandi isaa yidza ya vosi ava mwiita va levolera va

kolera Nyasaye ubutumwa.

3.Kandi Yaga va kola kigira si va manya Dada kandi inze.

4.Navutswa yaga mmali kumuvolera, lwa isaa yago I mali kuduka, mu gidzuliste,

kuli wa nda mu volera. Na yaga si nda mu volera kutwula mu litanga, kigira nda li

mwinye halala.

5. Navutswa kalunu ntsitsa kuye wa ntuma; kandi si ha veye nomulala ku mwinye u

nteva u tsia ha li ha?

6. Navutswa kigira mmu volera yaga, ubuvereri bwizuye mu mwoyo gwenyu.

7. Navutswa mmu volera ageligali: Nu bulahi ku mwinye inze ntsie; kigira ni nta tsia,

Mukonyi si a lidza ku mwinye; navutswa ni ntsia, nda mu tuma ku mwinye.

8. Naye lwa a li duka, a la lungika avomkivala ku bwoni, noku likalaga.:

9. Ku bwoni, kigira va vula kusuuvira ku inze;

10. Ku bulungi, kigira ntsia ku Dada, na mwinye si mu ndola kandi;

11. Ku likalaga, kigira munene womkivala yiki, u mali kukalagirwa.

12. Nkikiri namakuva manyingi gokumuvolera, navutswa si mu nyala kugagumira

kalunu.

13. Navutswa lwa a li duka Roho wa geligali, a la mwimirira na a mu hile mu

ageligali gosi: kigira si a li vola ku vyomwene; navutswa aga a li hulira a la vola:

kandi vindu vi lidza a la mu vuulira.

14. Kandi u li mbuminya inze: kigira a la vugula ku vyange yilwadze ku mwinye.

15. Vindu vyosi vya Dada a veye navyo vi veye vyange: yiki ni kigira nda vola a

vugula ku vyange yilwadze ku mwinye.

16. Ha tigaye hakekeke si mu la ndola kandi; na kandi ha tigaye hakekeke kandi, na

mwinye mu la ndola.

17. Avalala ku vegidzwi veve va volerana, ni likuva ki lya a ku volera? Ha tigaye

hakekeke si mu la ndola; kandi Ha tigaye hakekeke mu la ndola: na kandi, Kigira

ntsitsa wa Dada.

18. Ku, va vola, ni likuva ki lya a vola, inyinga inkekeke? Si ku manya aga a vola.

19. Yesu ya manya venya kumuteva naye ya va volera, mu tevana mwinye ku yilyo

lya mmu volera, Ha tigaye hakekeke, si mu la ndola, kandi ha tigaye, hakekeke, mu la

ndola?

20. Ligali, ligali, mmu volera, mwinye mu la lira ni mu syoma, navutswa avomkivala

va la sangala: mwinye mu la verera, navutswa ubuvereri bwenyu bu la girunkanywa

bu ve ubuyanzi.

21. Mukali lwa a lumangwa a vedza neliverera, kigira isaa yeye I duki: navutswa

ni ya ka mala kwivula mwana, si yidzulitsa kandi ubusaliri, kigira a yanza mundu

wivuywi mu kivala.

22. Kandi mwinye kalunu mu veye nobuvereri: navutswa nda mu lola kandi,

nemyoyo gyenyu gyi la yanza, nobuyanzi bwenyu mundu si a nyala kumunyaga.

23. Kandi ku lidiku yilyo si mu li teva inze likuva. Ligali, ligali, mmu volera, ni mu

saala kindu ku Dada, a la mu ha ku lieta lyange.

24. Kuduka kalunu mu kikiri kusaala kindu ku lieta lyange: mu sale, mu la hebwa,

ubuyanzi bwenyu bu duke kudukidzwa.

25. Mmali kumuvolera vindu yivi mu tsing’ano: isaa yidza ya nta mu volera kandi mu

tsing’ano, navutswa nda mu volera habulavu amakuva ga Dada.

26. Ku lidiku yilyo mu li saala ku lieta lyange: kandi si mmu volera, nda teva Dada

kigira mwinye;

27. Kigira Dada mwene a mu yanza, kigira mu nyanzi, kandi mu suuviye inze nda

twula ku Dada.

28. Nda twula ku Dada ntsitsa mu kivala: kandi, nda leka kivala, ntsia wa Dada.

29 . Avegidzwi veve va vola, Nkani kalunu u vola habulavu, si u kupa tsing’ano.

30. Kalunu ku manya ive u manya vindu vyosi, si u veye nobudaka bwomundu u ku

teva: ku yaga ku suuvira ive wa twula ku Nyasaye.

31. Yesu ya tivulira, kalunu mu suuviye?

32. Henza, isaa yidza, yee I mali kuduka, ya mwinye mu lavukanira avandu sa mulala

ku vindu vivye, mu leke inze tsyeng’ine: navutswa inze si mbeye tsyeng’ine, kigira

Dada a veye halala ninze.

33. Yaga mmali kumuvolera, mu duke kuva nemirembe ku inze. Mu livora mu la va

nekivi: navutswa mwidinyiridze; inze mmali kuguuta avomkivala.

Chapter 17.

1.Yesu ya vola yaga, na a digulukidza tsimoni tsitsye igulu, na a vola, Dada, isaa I

mali kuduka: u kuminye Mwana wowo, Mwana a duke kukuminya ive:

2. Kuli ive wa mu ha tsingulu ku inyama yemibiri gyosi,vosi va wa mu ha a va he

livamwoyo lit a hera mba.

3. Kandi livamwoyoi lit a hera mba ni yili,va duke kumanya ive, Nyasaye weligali

weng’ine, na uyu wa wa tuma, Yesu Kristo.

4. Mmali kukukuminya mu lirova; kandi mmali miyinzi gya wa mpa kukola.

5. Nive kalunu u mbuminye, Dada, halala nive mwene nobukumi bwa nda li nabwo

halala nive, lirova li kikiri kuva.

6. Lieta lilyo mmali kuvuulira avandu va wa mpa ku avomkivala: va li avovo nive wa

mpa; kandi va gumiye likuva lilyo.

7. Kalunu va manya vyosi vya wa mpa vya twula ku ive:

8. Kigira amakuva ga wa mpa, inze mali kuvaha; navo va ga vugula kandi va manya

ligali nda twula ku ive, kandi va suuvira ni ive wa ntuma.

9. Inze mba saavira: si nsaavira avomkivala, navutswa nsavira yavo va wa mpa;

kigira va veye avovo:

10. Vyosi vi veye vyange ni vivyo, kandi vivyo ni vyange: na inze mbuminyeywi

kuvo.

11. Inze si mbeye mu lirova kandi, navutswa yava va veye mu lirova, na inze ntsitsa

ku ive. Dada Mutakatifu, u va linde ku lieta lily ova wa mpa, va duke kuva kindu

kilala kuli kwinye.

12. Lwa nda li navo halala, nda va denda ku lieta lilyo va wa mpa: kandi nda

va Linda, kandi si ha veye nomulala kuvo wa gota, navutswa mwana wobudivi;

amang’oda ga duke kudukidzwa.

13. Navutswa kalunu ndadza ku ive; na yaga mbolera mu lirova, va duke kuva

nobuyanzi bwange bwizule muvo.

14. Mmali kuvaha likuva lilyo; kandi avomkivala va va dunyira, kigira si va veye ku

vomkivala, kuli inze si mbeye ku vomkivala.

15 Si nku saava u va twulidze mu lirova, navutswa a va linde ku mudamano.

16. Si va veye ku vomkivala, kuli inze si mbeye ku vomkivala.

17. U va takase mu ageligali: likuva lilyo ni ageligali.

18. Kuli wa ntuma kutsia mu lirova, kandi ndiyo inze nda va tuma kutsia mu lirova.

19. Na inze nzetakase kigira kuvo, avene va duke kutakaswa mu ageligali.

20 Kandi si nsaavira yava veng’ine navutswa nsaavira kandi yavo ava suuvira ku inze

kigira likuva lyavo;

21. Vosi va duke kuva kindu kilala; kuli ive, Dada, u veye mu inze, na inze mu ive,

kandi navo va duke kuva mu kwinye: avomkivala va duke kusuuvira ive wa ntuma.

22. Kandi ubukumi bwa wa mpa inze mmali kuvaha; va duke kuva kindu kilala, kuli

kwinye ku veye kindu kilala;

23. Inze muvo, na ive mu inze va dukidzwe kuva kindu kilala; avomkivala va manye

ive wa ntuma, kandi ive u yanza, kuli u nyanza.

24. Yava ava wa mpa, Dada, ha mbeye inze nyenya yava va ve ho, va duke kulola

ubukumi bwange, bwa wa mpa: kigira wa nyanza, lirova li kikiri kutemwa muse.

25. Dada mulungi, avomkivala si va ku manya, navutswa inze nda ku manya; kandi

yava va manya ive wa ntuma;

26. Na inze mmali kuvamannya lieta lilyo, kandi nda va mannya; ubuyanzi bwa wa

nyanza nabwo bu duke kuva muvo, na inze muvo.

Chapter 18.

1.Yesu lwa ya mala kuvola yaga ya twula halal navegidzwi veve na a tsia engereka

womugera gwa Kidiron, ha li nomulimi, yingira mu mwene navegidzwi veve.

2.Kandi Yuda, wa mu zama, naye ya manya ha zana: kigira Yesu ya tsia yo kanyingi

nevegidzwi veve.

3.Maku, Yuda lwa ya mala kuvugula mugaanda gwavasikari navampara, ava twula

ku vasalisi vanene na vafarisayo, ya tsia yo netsitaya netsimuli nevyuma.

4. Yesu ya li na a manya vindu vyosi vyenya kumugwira, ya singira hambiri, na a

teva, Mwenya bwaha?

5. Va mu tivulira, Yesu Munazareti. Yesu ya va volera, ni inze. Na kandi Yuda, wa

mu zama, ya singira halala navo.

6. Ku, lwa ya va volera, Ni inze, virana inyima ni va gwa hasi.

7. Ku, ya va teva kandi, mwenya bwaha? Va vola Yesu Munazareti.

8. Yesu ya tivula, mmali kumuvolera, Ni inze; kunangwa na a va ninze wa mwenya,

mu leke yava va tsie.

9. Li duke kudukidzwa likuva lya ya vola, Kuvo va wa mpa si ha li nomulala u goti.

10. Simoni Petro ya li nekivavi, ya ki somola na a tema mutugwa womusalisi

munene, na a mu kalaga gutu gwigwe gwomukono mulungi. Mutugwa uyu ya langwa

Maliku.

11. Yesu ya volera Petro, u vike kivavi mu lwula: kikombe kya Dada yam pa mbule

kunwa naho?

12. Maku, mugaada gwavasikari nomunyapara munene navanyampara va Vayuda, va

gumira Yesu ni va mu boha.

13. Ni va tanga kumuhila imbiri wa Annas; kigira ya li nazivala wa Kaiafa, ya li na a

veye musalisi munene muhiga yigwo.

14. Kaiafa niye wa volera Vayuda, Nu bulahi mundu mulala a kudreze avandu.

15. Simoni Petro ya londa Yesu, kandi mwegidzi wundi. Mwegidzi uyu ya

manyekana ku musalisi munene, naye yingira na Yesu hamgidzi homusalisi munene;

16. Navutswa Petro ya li na a singiye ha kiliango, kyova. Ku mwegidzi uyu wa

manyekana ku musalisi munene, ya volerana no mukana wa Linda kiliango,na a tsia

kuleta Petro.

17. Maku, mukana wa Linda kiliango ya volera Petro, kandi ive si u veye mulala ku

vegidzwi vomundu uyu? Ya vola, inze si mbeye ku.

18. Avatugwa navanyapara va li ni va singira ho, va fwana muliru gwamanda; kigira

ubukindu bwa li ho; ni vota muliru: kandi Petro ya li na a singira halala navo ni yota

muliru.

19. Ku, musalisi munene ya teva Yesu ku vegidzwi veve noku megidzo gege.

20 Yesu ya mu tivulira, inze mmali kuvolera avomkivala amakuva gange habulavu;

inze madiku gosi nzegidza mu masomero nomu litempeli, ha Vayuda vosi va vugana;

si nda vola kindu makikiri.

21. Kigira ki u teva inze? Yaga ga nda volera avandu u va teve aga va hulira: henza,

yava va manya vya nda vola.

22. Lwa ya vola yaga, mulala ku vanyapara ya singira himbi yala Yesu uluhi, na a mu

teva, ni ndiyo u tivulira musalisi munene?

23. Yesu ya mu tivulira, inze ni mba ni mbola ubudamano, u lolekidze ubudamano

yibu: navutswa ni mba ni mbola ubulahi, udunyira ki?

24. Ku, Annas ya mu hila wa Kaiafa musalisi munene, na a boheywi.

25. Simoni Petro ya singira ni yota muliru. Ku,va mu teva, ive kandi si u veye mulala

ku vegidzwi veve? Yambakana, na a vola, inze si mbeye ku.

26. Mulala ku vatugwa vomusalisi munene, mwiko womundu wa Petro ya kalaga

gutu gwigwe, ya vola, inze si nda ku lola halala naye mu mulimi?

27. Ku, Petro yambakana kandi: nohoho idaywa ya lagula.

28. Kunangwa va twulidza Yesu wa Kaiafa, ni va mu hila mu inyumba ya Pretorio:

gwa li mugamba tsuri. Navene si vingira mu pretorio,vat a vikwa mu budamano,

navutswa va duke kulia lipasaka.

29. Ku, Pilatu, ya tsia kuvo kyova, kandi ya vola, mu veye naki kya mu yalira mundu

uyu?

30. Va tivula ni va mu volera, mundu uyu a vula kuva mudamano, nkano si ku mu

leti imbiri wowo.

31. Pilatu ya va volera, Mu mu vugule mwinye avene mu mu yale kuli Malaga genyu.

Avayuda va mu volera, kwinye si ku veye nomunwa gokwiita mundu.

32. Li duke kuduka likuva lya Yesu ya vola, na a mannya ni likudza ki lya a li kudza.

33. Kunangwa Pilatu yingira kandi mu Pretorio na a langa Yesu, na a mu volera, hene

ive niye Mwami wa Vayuda?

34. Yesu ya tivula, U vola yaga ive mwene, naho avandi va ku volera amakuva ku

inze?

35. Pilatu ya tivula, inze mbeye Muyuda? Ihiri yoyo navasalisi vanene va ku leti

imbiri wange: u koli ki?

36. Yesu ya tivula, Ubwami bwange si bu veye bwomkivala yiki: ubwami bwange

ni bu veye bwomkivala yiki, avatumekiri vange nkano va ka lwana kalunu, inze

nda vula kuvikwa mu makono ga Vayuda: navutswa ubwami bwange si bu veye

bwokutula kalunu.

37. Kunangwa, Pilatu ya mu volera, Nkani u veye Mwami? Yesu ya tivula, ive

mwene u voye mbeye mwami. Yiki ni kigira ndivulwa, kandi yiki ni kigira nda duka

mu lirova, nduke kulolekidza ageligali. Ku vosi u veye ku luvega lwa geligali a hulira

mwoyo gwange.

38. Pilatu ya mu volera, Ageligali ni kindu ki? Kandi lwa ya mala kuvola yaga, ya

tsia ku Vayuda kandi, na a va volera, inze si ndola kindu kuye.

39. Navutswa mu veye nomwima gwa inze mmu bohololera mulala inyinga

yelipasaka: mwenya mmu boholera Mwami wa Vayuda?

40. Kunangwa va kola liyoga kandi, ni va vola, u ta boholola mundu uyu, navutswa

Baraba. Baraba ya li munuuli.

Chapter 19.

1Ku, Pilatu ya vugula Yesu na a mu kuya nolukova.

2.Kandi avasikari va Luka itaji yamafwa, ni va gi vika ku mutwe gwigwe,ni va mu

vika ingubo yekiforosadi;

3.Ni va tsia kuye, ni va mu volera mirembe, Mwami wa Vayuda! Ni va mwala tsimpi.

4.Pialtu ya tsia kyova kandi, na a va volera, henzi uyu iye mmu letera kyova, mu

duke kumanya si ndola kindu kuye.

5.Ku, Yesu ya twula na a vikeywi itaji yamafwa nengubo yekiforosadi. Kandi Pilatu

ya va volera, Henzi mundu uyu!

6. Maku avasalisi vanene navanyapara lwa va mu lola, va kola liyoga, ni va vola,

mbambe, mbambe! Pilatu ya va volera Mu mbugule mwinye avene, mu mbambe:

kigira inze si ndola kindu kuye.

7. Avayuda va mu tivulira, kwinye ku veye nelilaga, kandi ku lilaga zana nu bulahi a

kuudze, kigira yekola Mwana wa Nyasaye.

8. Ku, Pilatu lwa ya hulira makuva yaga ya kira ubutii;

9. Yingira kandi mu Pretorio na a volera Yesu, Wa twula ha li ha? Navutswa Yesu si

yam u tivulira mba.

10. Ku, Pilatu ya mu volera si u volerana ninze? Ive si u manya mbeye netsingulu

kukubamba?

11. Yesu ya mu tivulira, ive si u nyala kuva netsingulu ku inze kali hakuzu, nu u ta

hebwa tsi twula migulu: kigira yaga u veye nobwoni bunene nu uyo wa mbika mu

makono gogo.

12.Kigira yaga Pilatu ya geridza kumuboholola: navutswa Avayuda va kola liyoga,

ni va vola, Nu u boholola mundu uyu si u veye mulina wa Kaisari: mundu yekola

mwami a lega Kaisari.

13. Pilatu lwa ya hulira amakuva yaga ya twulidza Yesu, ni yikala ku kisako

kyokuyala, ha zana ha langwa Havaala magina, navutswa mu Luhebrania Gabatha.

14. Nalyo lya li lidiku Lyokulomba lilia lyelipasaka: kuli tsisaa tsitanu na ndala.

Kandi ya volera Avayuda, henzi Mwami wenyu!

15. Maku, va kola liyoga, Mhile, mhile, mbambe! Pilatu ya va volera, Mbambe

Mwami wenyu? Avasalisi vanene va tivula, kwinye si ku veye nomwami navutswa

Kaisari.

16. Kunangwa ya va mu ha a duke kubabwa.

17. Ku, va gumira Yesu: mwene ya ginga musalaba gwigwe na a twula, na a tsia ha

langwa kihanga ha zana mu Luhebraina, ha langwa Golgota.

18. Va mu bambira ho, kandi halala naye avandi vaviri, mulala ha luvega yilu no

wundi ha luvega yilu, na Yesu hagati.

19. Kandi Pilatu ya ng’onda ibaruwa na a gi vika ku musalaba igulu. Ga ng’odwa,

YESU MUNAZARETI, MWAMI WA VAYUDA.

20. Kunangwa ibaruwa yiyi avanyingi ku Vayuda va soma, kigira ha Yesu ya

bambirwa ha li ahimbi nelidala; nayo ya ng’odwa mu Lihebraina na Lurumi, na

Lugreki.

21. Ku, avasalisi vanene va Vayuda va volera Pilatu, U ta n’goda, Mwami wa

Vayuda; navutswa ng’oda, ya vola inze mbeye Mwami wa Vayuda.

22. Pilatu ya tivula, Aga ng’odi mali kung’oda.

23. Maku avasikari lwa va mala kubamba Yesu va vugula tsingubo tsitsiye ni va

tsyavukannya tsi twula mu tsine, musikari sa mulala indala: nekanzu yeye: nayo

ikanzu si ya li nobunarivu, ya lukwa yosi kutwula halugului.

24. Ku, va volerana ku ta gi tandula, navutswa ku kole ikura ku lole I la va bwaha.

Ga duke kuduka mang’oda ga vola, va gavana tsingubo tsyange,ni va kola ikura ku

ingubo uange.

25. Kunangwa vindu yivi avasikari va kola. Navutswa yahoo ha musalaba gwa Yesu,

va singira mama wewe namwavo wewe na, Maria mka Kileopa, na Maria Magdalene.

26. Ku, Yesu lwa ya lola mama wewe, nomwegidzi wa ya yanza va singira himbi, ya

volera mama wewe, Mkali, ive u henze mwana wowo!

27. Kandi ya volera mwegidzi, U henze mama wowo! Kandi kutwula inyinga yeyo

mwegidzi uyu ya mu vugula na a mu hila mu inymba yeye.

28. Inyuma wa yaga, Yesu ya li na a manya vindu vyosi vi fweye, ga duke kuduka

mang’oda, ya vola mbeye nobuluhu.

29. Ha li ho nenyingu yizula isiki: ku, va vugula kikaminyo ni kizuye isiki ni va vika

ku kidundu vi va mu sundira ha munwa.

30. Ma Yesu lw aya mala kuvugula isiki, ya vola, Ga fweye: ni yinaminya mutwe

gwigwe na a lakula mwoyo.

31. Kunangwa Avayuda, kigira lwa lidiku Lyokulomba, avakudzu va ta ku misalaba

ku lisabato (kigira lidiku lyelisabato yilyo lya li linene), va saava Pilatu virenge vyavo

vi vunanywe,va twulidze.

32. Ku, avasikari va tsia kuvunannya virenge vyo wa hambiri, kandi vyowundi wa

bambwa naye:

33. Navutswa lwa va duka ku Yesu ni va vola u mali kukudza, si va mu vunannya

virenge vivye mba.

34. Navutswa mulala ku vasikari yam u tumita mu tsimbalu tsitsye nelitimu,nohoho

masahi ga twula na madzi.

35. Naye wa lola u mali kulolekidza, kandi lilolekidza lilye li veye lyeligali: naye a

manya aga a vola ga veye geligali, mwinye mu duke kusuuvira.

36. Kigira vindu yivi vya kolwa ndi mang’oda ga duke kuduka, kigumba kikye si ki li

vunika.

37. Kandi mang’oda ga vola, va la mu henza uyo wava tumita.

38. Inyima ya tanga Yosefa wa Arimathia, wa li na a veye mwegidzi wa Yesu,

navutswa yevisa, kigira ya tia Vayuda, ya saava Pilatu munwa kuhila mubiri gwa

Yesu: Pilatu ya mu ha munwa. Kunangwa yadza na a hila mubiri gwigwe.

39. Nikodemo wadza kuye ubudiku lwambiri,yadza halala naye na a leta vindu vya

tsukanywa manemane na subiri, vya duka himbi tsiratili mia.

40. Ku, va vugula mubiri gwa Yesu ni va gu boha mu tsingubo tsyakatani halala

nevindu vya funya mwayu, kuli miima gya Vayuda gyokuta.

41. Ha ya bambwa ha li nomulimi; na hagati homulimi kya li ho kilindwa kihya

kyomundu ya li na a kikiri kuvikwa mu.

42. Kunangwa vat a Yesu mu, (kigira kilindwa kya li himbi) kigira lidiku Lyelilomba

lya Vayuda.

Chapter 20

1.Ku lidiku lyokutanga lisidza Maria Magdalene ta tsia mabwebwe, isi ni i kikiri mwamu,

kukilindwa, na a lola ligina li twulidzeywi ku kilindwa.

2.Ya nyagula ku Simoni Petro, no wundi mwegidzwi wa yesu ya yanza, na a vavolera,

va twulidzi mwami mu kilindwa va mu hili, si ku manya ha va mu viki.

3.Kigira yaga Petro ya twula nomwegidzwi wundi, ni va tsia ku kilindwa.

4.Navo va nyagula vombi: mwegidzwi wundi ya vita Petro kunyagula, na a tanga kuduka

ku kilindwa;

5.yinama na a henza mu, na a lola tsingubo tsya katani tsi vikeywi navutswa si yingira.

6.Maku Simoni Petro naye yadza na a londa, kandi yingira mu kilindwa; nalola tsingubo

tsya katani tsi vikeywi,

7.kandi kagubo ka li ku mutwe si ka vikwa halala netsingubo tsya katani, navutswa ka

lingwa ni ka vikwa ha luvega keng’ine.

8.Kunangwa mwegiddzwi wnidi wa tanga kukuka ku likindwa, yingira, na a lola na a

suuvira.

9.Kigira va li ni va kikiri kumanya mang’da ga mu dukira a simuguke kutwula mu

vakuszi.

10.Ku, avegidzwi va twula ni va tsia wavo.

11.Navutswa Maria yasingira ha kilindwa kyovana a lira: ku, lwa ya lira yinam na a

henza mu kilindwa;

12. na a lola tsingelosi vaviri ni va veye netsingubo tsindavu, ni vikaye, mulala ha mutwe

no wundi h avirenge, homubiri gwa Yesu gw vikwa.

13.Va mu volera, Mukali, u lirira ki? Ya va volera, kigira va hli Mwami wange, na inze

si mmanya ha va mu viki.

14.Lwa yam ala kuvola yaga, ya girunkana inyima, na a lola Yesu na a singiye, navutswa

si ya manya uyu ni Yesu.

15.Yesu ya mu volera, Mukali, u liria ki? Wenya bwaha? Naye ya ganagana uyu

nomulimi womulimi, yam u voletam Mwami, Nu u va nive u muhili, u mbolere ha u mu

viki, na inze nda mu hila.

16.Yesu yam u volera, Maria. Ya girunkana, na a mu volera mu Luhebraina, Raboni!

Livora lyago li vola, mwegidzi.

17.Yesu yamu volera, u ta ngumira, kigia nkikiri kwanegira kutsia wa dada wange;

navutswa u tsie ku vamwavo vange, u va volere, inze nzanegira kutsia wa Dada wange,

kandi Dada wenyu, kandi wa nyasaye wange, kandi wa nyasaye wenyu.

18.Maria Magdalene ya tsia na a volera avegidzwi Mmali kulola Mwami; kandi Mwami

ya mbolera vindu yivi.

19.Kunangwa lawa gwai mgolova gwelidiku yilyo, li veye lyokutanga lisidza, kandi

viliango lwa vi mali kuhanwa ha vegidzwi va li ni va veye, kigira va tia vayuda, Yesu va

volera, miremeve ku mwinye.

20.Lwa ya mala kuvola yaga, ya vamannya makono gege nomu tsimbalu mwimwe.

Kunagwa avegidzwi lwa va lola mwami, va yanza.

21.Ku Yesu ya va volera kandi, Mirembe ku mwinye; kuli wa Dada ya ntuma, inze kandi

mmu tuma ndiyo.

22.Lwa ya vola yaga, ya va heerera mwika, na a va volera, Mu vugule roho Mutakatifu.

23.Ku vosi wa musameha ubwoni bwibwe, bu samefwa; ku vosi wa mum u bohera

mubwoni bwibwe, bu boheywi.

24.Navutswa Tomasi,mulala ku va li likumi na vaviri, wa langwa Malongo, si ya li ho

halala navo inyinga ya Yesu yadza.

25.Kigira yaga avegidzwi vandi va mu volera, Ku mali kulola Mwami. Navutswa ya va

volera, ni nta lola tsimbala tsya tsimisumari mu makono gege, ni nta vika kidete kyange

mu tsimbala tsyemisumari, kandi ni nta vika mikono gwange mu tsimbaru tsitsye, si

nyala kusuuvira.

26.Inyima ya madiku gatanu na gavaka, kandi avegidzwi veve va li mu inyumba, kandi

Tomasi ya li halala navo. Viliango ni vi mali kuhanwa, Yesu yadza na a singira hagati,

na a vola Mirembe kumwinye.

27.Maku ya volera Tomasi, Leta kidete kikyo u lole makono gange, kandi u lete mukono

u hambe mu tsimbalu tsyange; u ta vula kusuuvira, navutswa u suuvire.

28.Tomasi yam u tivula, na a mu volera, Mwami wange, kandi Nyasaye wange.

29. Yesu yam u volera, kigira u ndoli u suuviye; va veye nobugasu avasuuviye ni va

kikiri kulola.

30.Vi veye ho vilolekidzu vinyingi kandi vya Yesu ya kola imbiri wavegidzwi veve, vi ta

ng’ondwa mu kitabu yiki:

31.navutswa yivi vi ng’ondwamu duke kusuuvira Yesu a veye Kristo, Mwana wa

Nyasaye; kandi ku lisuuvira lyenyu mu ve nelivamwoyo mu lieta lilye.

Chapter 21.

1.Inyima wa yaga Yesu ya loleka ku vegidzwi kandi ku inyanza ya Tiberia; na

lilolekidza lilye lya li ndi.

2. Va li halala Simoi Petro, na Tomasi u langwa Malongo, na Natanieli wa kana wa

Galilaya, navana va Zebedayo, na vandi vaviri ku vegidzwi veve.

3. Simoni Petro ya va volera, kwinye kandi ku la tsia nive. Va twula ni vingira mu

bwato; ubudiku yibwo si va nyola kindu.

4. Navutswa lwa bwa kya, Yesu mwene ya singira ku luginga: navutswa avegidzwi si

va manya uyu ni Yesu.

5. Kigira yaga Yesu ya va volera, Avana, mu veye nevyokulia? Va mu tivulira, auwa.

6. Naye ya va volera, mu vike muluvo ha luvega lwobwato lwomukono mulungi, mu

la nyola. Maku va gu vika, si va nyala kung’usa kandi kigira tsisudzi tsinyingi.

7. Kigira yaga , mwegidzi uyu wa Yesu ya yanza ya volera Petro niye Mwami. Ku,

Simoni Petro lwa ya hulira nu Mwami, yeboha likoti lilye lyokuluva, (kigira ya li

kyahonyo), na a tumwa mu inyanza.

8. Navutswa avegidzwi vandi, vadza mu bwato bukekeke, ( kigira si ha veye hale

noluginga, navutswa ha veye ha va gera amakono tsimia tsiviri), ni va ng’usa muluvu

gwe tsisudzi.

9. Ku, lwa va duka ku luginga va vola muliru gwamanda,netsisudzi tsi vikeywi ku

nobukima.

10. Yesu ya va volera, Leti ku tsisudzi tsya mu luvi kalunu.

11. Kigira yaga Simoni Petro ya nina na a ng’usa muluvo na a leta ku luginga,

gwizula tsisudza tsinene, mia indala namakumi gatanu na tsivaka: kandi kali tsisudzi

tsya li tsinyingi ndiyo, muluvo si gwa tanduka mba.

12. Yesu ya va volera, hambi mu lie Navutswa si ha veye nomulala ku vegidzwi wa

lema mwoyo kumuteva, ive u veve bwaha? Va manya nu mwami.

13. Yesu yadza na a vugula ubukima na a va ha, netsisudzi kandi ndiyo.

14. Yivi ni inyinga I kola kavaka Yesu na a loleka ku vegidzwi, inyima lwa ya

simuguka mu vakudzi.

15. Lwa va mala kulia, Yesu ya teva Simoni Petro, Simoni wa Jona, u nyanza kuvita

yivi? Ya mu volera yee, Mwami; ive u manya nkunyanza. Naye ya mu volera, u

lagiridze avana va magondi vange.

16. Ya mu volera kandi hali kaviri, Simoni wa Jona, u nyanza? Ya mu volera, yee,

Mwami; ive u manya nku yanza. Ya mu volera, waye magondi gange.

17. Ya mu volera hali kavaka, Simoni wa Jona, u nyanza? Petro ya verera kigira ya

mu teva hali kavaka, U nyanza? Ya mu volera, Mwami ive u manya vindu vyosi; u

manya ku nyanza. Yesu ya mu volera, u lagiridze amagondi gange.

18. Ligali, ligali nku volera, lwa wa li muyai, weboha nu u tsia wa u yanza: navutswa

lwa u li duka musakulu, u la nyira makono, nowundi a la ku boha, a ku hile wa u ta

yanza.

19. Ya vola yaga kumannya ni likudza ki lya a li kuminyira Nyasaye. Lwa ya mala

kuvola yaga, ya mu volera, u nonde.

20.Petro yekevuka na a lola mwegidzwi wa Yesu ya yanza, a va londa; naye

yesedema ha kiritu kya Yesu inyinga yelilia, na a teva mwami, ibwaha u ku zama?

21. Petro na a lola uyo, ya volera Yesu, Mwami, mundu uyu a la kola ki?

22. Yesu ya mu volera, inze ni nyenya a linde nduhe nduke, ki veye kindu ki ku ive?

U nonde.

23. Kigira yaga livola yili lya landa mu vamwavo, mwegidzi uyu si a li kudza;

navutswa Yesu si ya mu volera, si a li kudza; navutswa, Ni nyenya a linde nduhe

nduke, ki veye kindu ki ku ive?

24. Uyu niye mwegidzwi u lolekidza vindu yivi, kandi ya ng’onda vindu yivi: kandi

ku manya lilolekidza lilye na geligali.

25. Kandi Yesu ya kola vindu vinyingi vindi, yivi ni vi ng’odwa vyosi si kilala,

nganagana kali lirova lyene li la geha ha vi vikwa vitabu zana.

ENDS